Nova tempada do club de lectura Fraga de Novio

Onte tivo lugar a primeira xuntanza do club de lectura de adultos “Fraga de novio” e sen excepcións, todas as integrantes (onte faltaba a cuota masculina do club), chegaron con moitos ánimos para comezar a nova andaina neste curso escolar.

Como non houbo “deberes” para o verán, o tema de conversa foron as lecturas individuais que fixemos cada unha de nós, así como as propostas para compartir neste curso. E todo isto, pasando por esas lecturas da infancia e adolescencia que nos marcaron. Foi unha xuntanza de lembranzas.

Agora agárdanos Rosa Montero co seu libro La ridícula idea de no volver a verte, un ensaio onde nos dá a coñecer á gran Marie Curie.