Serafín Marcos tráenos “As paisaxes de Carlos Casares”

Esta mañá Serafín Marcos volveu ao noso centro para conmemorar as Letras! Con el camiñamos polas “paisaxes de Carlos Casares” e con el fixemos paradas na viaxe: a galiña azul,  o tren, a formiga esquiadora, o río, a Virxe María que mata a Lucifer, a nena trapecista, un muro branco, unha moza en pantalón curto de falares estranxeiros, a creación, o compromiso… O alumnado de 3º de ESO rematou a mañá cun sorriso e un fardel cheo de palabras!!!

dig
dig
dig
dig

dig

Serafín Marcos tráenos "As paisaxes de Carlos Casares"

Esta mañá Serafín Marcos volveu ao noso centro para conmemorar as Letras! Con el camiñamos polas “paisaxes de Carlos Casares” e con el fixemos paradas na viaxe: a galiña azul,  o tren, a formiga esquiadora, o río, a Virxe María que mata a Lucifer, a nena trapecista, un muro branco, unha moza en pantalón curto de falares estranxeiros, a creación, o compromiso… O alumnado de 3º de ESO rematou a mañá cun sorriso e un fardel cheo de palabras!!!

dig
dig

dig

Certame poético: Maruxa Mallo nas augas da invisibilidade

thumb_315_marujamallo_01

Maruxa Mallo é a figura homenaxeada no ano 2017 no Día das Artes Galegas pola Real Academia Galega de Belas Artes.

O seu carácter transgresor e a súa actitude vital en defensa dos dereitos da muller, que loitou contra o machismo e calquera tipo de discriminación, convértena nunha figura imprescidible para dar a coñecer parte da nosa historia. As súas obras pictóricas convertérona nunha das grandes figuras do surrealismo internacional. Porén, incomprensiblemente, segue a ser, para moitos, unha descoñecida. De aí o noso interese en sacala das augas da inivisibilidade.

Dende o Equipo de Dinamización da Linguaa Galega e o equipo de biblioteca,  propoñémosche que escribas un poema . Para iso deberás escoller un dos seus cadros e expresar aquilo que che suxira dun xeito literario.

BASES

  • Os textos deben presentarse en galego.
  • Cada persoa só poderá enviar un texto.
  • A temática debe centrarse nalgún dos cadros de Maruxa Mallo (enlazamos unha presentación na entrada do blog).
  • Os textos deben ser orixinais.
  • Publicaranse no blog da biblioteca os gañadores e unha selección dos presentados.
  • O xurado resérvase o dereito de deixar deserta algunha das catergorías se os textos carecesen de calidade.
  • O prazo límite para enviar os textos será o 21 de abril de 2017, no marco do Día do Libro. Os premios entregaranse o 18 de maio, como unha das actividades arredor do Día das Letras Galegas.

CATEGORÍAS

A: 1º e 2º de ESO

B: 3º e 4º de ESO

C: 1º e 2º de BACHARELATO e Ciclo

PREMIOS POR CATEGORÍAS

En cada categoría haberá dous premiados que recibirán como agasallo aglúns dos mellores cómics de escritores galegos ou traducións de autores representativos deste xénero.

Algo semellante foi a experiencia da Coroa poética a Urbano Lugrís.  Foi Lugrís un dos pintores máis destacados da pintura galega do XX e coetáneo de Maruxa Mallo. Nela, escritores e escritoras da literatura actual poetizan os cadros do autor. No enlace e neste pdf podedes ver a publicación colectiva que ofrece a Asociación de Escritores en Lingua Galega: URBANO Lugrís

EDLG

Recursos para o galego dende MaOs

MaOs é unha cooperativa galega de innovación social. Abren o seu marco de acción a ámbitos moi diversos como a “ecoloxía, a relación entre os saberes tradicionais e a innovación, até os proxectos culturais, turísticos, de lecer ou relacionados co patrimonio material e inmaterial”. Esta diversidade, que nos comentan en Praza Pública, está presente nos seus proxectos. Defínense “como iniciativa empresarial de transformación e consolidación social que quere contribuír á integración e fomento da participación da sociedade no seu proceso construtivo a través de accións formativas e de intervención”.

Na súa páxina ofrécennos unha recompilación de Recursos para o galego moi completa (dicionarios, glosarios, aplicacións de corrección e tradución, aplicacións para móbiles, gramáticas e normas, fraseoloxía, toponimia, etc.)

Sin título

Tamén ofrece unha recompilación semellante de Recursos para o galego-portugués:

Portugués

O IES de Porto do Son no ronsel dos “21 días co galego”

Antía, Germán – alumnos do club de lectura- e Sabela, profesora de Bioloxía,  participaron coa lectura de Lúa de Senegal nos “21 días co galego“, unha actividade promovida por Pilar Ponte, do departamento de Lingua Galega do IES da Pobra do Caramiñal. Esta botou a andar a iniciativa no 2013 coa intención de promover o uso do galego e de crear un espazo de reflexión sobre o uso da nosa lingua. O proxecto foi medrando e é xa un referente, sendo premiado no 2015. Este ano é, ademais, unha homenaxe a Agustín Fernández Paz. 

Felicitamos a todos os que fixeron que estes 21 días en galego sexan posibles! Partillamos convosco a súa lectura:

 

O IES de Porto do Son no ronsel dos "21 días co galego"

Antía, Germán – alumnos do club de lectura- e Sabela, profesora de Bioloxía,  participaron coa lectura de Lúa de Senegal nos “21 días co galego“, unha actividade promovida por Pilar Ponte, do departamento de Lingua Galega do IES da Pobra do Caramiñal. Esta botou a andar a iniciativa no 2013 coa intención de promover o uso do galego e de crear un espazo de reflexión sobre o uso da nosa lingua. O proxecto foi medrando e é xa un referente, sendo premiado no 2015. Este ano é, ademais, unha homenaxe a Agustín Fernández Paz. 

Felicitamos a todos os que fixeron que estes 21 días en galego sexan posibles! Partillamos convosco a súa lectura:

 

youtubeir@s

E dico eu… que tan se vos animades a participar en Youtubeir@s????É unha moi boa iniciativa dos servizos de normalización lingüística dos concellos da Baña, Coruña, Ames, Carballo, Mazaricos, Ourense, Pontevedra, Ribadeo, Santiago de Compostela, Teo e O Grove e das Universidades da Coruña, Santiago de Compostela e Vigo.

Moitos de vós xa facedes os vosos vídeos, por que non presentalos a este concurso???? Eu que sei… para falardes de vós, do que vos gusta, do que non vos gusta, do que se vos dá ben, do que os avós saben facer tan ben e queredes que non se perda -a receita da empanada, das filloas, dun bo cocido, da poda das mazanceiras, dos chourizos e as morcillas que se fan na matanza…-, do ben que me manexo coa táboa de surf ou co esa aplicación informática que me resulta tan práctica!

Só unha condición, EN GALEGO!!!

Aquí tendes as bases da convocatoria, a explicación do proxecto, o lugar de inscrición, :

 

CHÍOS no 100 aniversario das Irmandades da Fala

chío vermelloNestas datas acostumamos a pedir desexos para un ano novo, para un tempo Chío azul volteadonovo. Dende o equipo de biblioteca e o de Normalización, pensamos que tamén sería bo pedilos para a LINGUA GALEGA. Que mellor momento que o 100 aniversario das Irmandades da Fala, para dar CHÍOS que dean á fala MIL PRIMAVERAS MÁIS!!

Chíos deesexos

Estes són algúns deses chíos que encheron os nosos corredores…

#sentir en galego

#de xeración en xeración

#loitemos por ela

#o mellor idioma xd

#o galego como forma de vida

#na fala vive a alma da nosa terra

#que non se perda nunca porque se o perdemos perdemos un tesouro que levamos gardado

#falalo porque me gusta

#que non desapareza

#para sempre

#que o galego se escoite no mundo

#deixemos voar a nosa imaxinación por un ceo azul e branco

Desexos, primaveras… no 100 aniversario das Irmandades da Fala! Unha boa forma de comezar un novo tempo!

 

As Irmandades da Fala

O 18 de maio de 1916. No local da Real Academia Galega na rúa Rego da Auga na Coruña, Antón Vilar Ponte convocou unha xuntanza. Nela acordouse a creación das Irmandades da Fala co obxectivo de defender e fomentar a lingua galega. Alí estaban, entre outros, Ramón Villar Ponte, Uxío Carré Aldeao, Manuel Lugrís Freire, ou Luís Porteiro Garea.

Axiña se espallarían por toda Galiza. O colectivo Ora Galega promoveu a conmemoración do centenario do nacemento das Irmandades. Entre as súas iniciativas achéganos este videoremix de Illa Bufarda con motivo da celebración:

As Irmandades da Fala | Videoremix from Illa Bufarda on Vimeo.

A campaña pretende seguir o ronsel daqueles homes e mulleres poñendo en valor o que fora o seu ideario co Autobús da Fala, unha exposición itinerante que percorrerá Galiza.:

ORA001_Mapa_iFala1.2

Manuel María, profesional da palabra pero sen soldada

Este é o título da charla á que asistimos esta mañá na Biblioteca Municipal do IES de Porto do Son e que impartiu a pedagoga, profesora e escritora Concha Blanco. Explicounos o que supuxo e supón o Día das Letras Galegas e falounos con entusiasmo de Manuel María. Da súa vida; dos silencios que a represión sobre o uso da lingua galega provocou nel -e dos berros de denuncia-;  do que lle tería gustado estudar no canto das leis; da súa obra; da época difícil que lle tocou vivir…  e dos recoñecementos que recibiu e está a recibir.

Concha Blanco 1

Leu para nós o seu:

Carné de identidade
Eu son Manuel María.
Nacín no 29, o 6 de Outono,
en Outeiro de Rei da Terra Chá.
Son dunha caste rexa de labregos
fieles á súa terra e ao seu Deus.

Agora son un namorado.

Eu son Manuel María,
cantor da Terra Chá que algúns din.
Cantor da terra chá que leva un
clavada nas entrañas, penso eu.

Eu son Manuel María,
labrego con algo de poeta.
Por eso gardo as albas
no fondo dos meus ollos
e ando de vagar o meu camiño,
e pídolles ás cousas a súa tenrura
e aos homes pídolles verdade.

Non teño máis tarefa:
son unha humilde folla que salaia
na noite escura movida polo vento.
Eu son Manuel María,
un son tan só, lonxano e feble.
Documentos personaes (1958)

De verso en verso, de anécdota en anécdota… fomos indo da súa man ata o un colofón poético que veu envolto nunha caixiña de música que seica veu de Bolonia!

Quedámonos con dúas recomendacións de lecturas que sumar nestes días ás do poeta de Outeiro de Rei: O tempo vital de Manuel María –un estudo de Camilo González Torres- e unha obra da propia Concha Blanco e María Canosa, Será correcto? – unha guía para o día a día para maiores e pequenos que parte da experiencia das aulas-.

PortadaOtempovital

9788494439667