Carta ao 2021. Un ano de pandemia…

Esta semana cúmprese un ano do peche dos coles pola pandemia. A Covid-19 cambiou as nosas vidas: confinamentos, peches perimetrais, distancias, desinfección, apertas e bicos abeirados agardando poderen darse, medo… E tamén aprendizaxe, descubrir a importancia dos bos momentos, da liberdade do cotiá.

Dende o Departamento de Lingua Galega, o EDNL e a biblioteca, propuxemos en decembro ao alumnado escribir unha Carta ao 2021. Sumouse os curso de 1º, 2º, 3º de ESO e 1º de Bacharelato. De entre as cartas presentadas, seleccionamos dúas por nivel. A vida puxo atrancos no día a día das profes que o levamos e retrasamos a escolla. Cando o fixemos decidimos agardar ata esta semana para darlles ás alumnas e aos alumnos un pequeno galardón. Son Alexo Segade e Manuela Vázquez de 1º de ESO, Águeda Dios e Marta Cánive de 2º de ESO, Samuel Maneiro e Carlota León de 3º de ESO e María Rodríguez e Mariña Castelao de 1º de bacharelato. Parabéns!

Con estas cartas celebramos que resistimos, entre as correntes das fiestras abertas, as distancias nos corredores, as actividades en grupo anuladas, os protocolos estritos… PERO AÍ ESTAMOS, desexando que este 2021 sexa o ano en que recuperamos a LIBERDADE!

Dende o IES de Porto do Son para o 2021!!! Premede AQUÍ para ler os textos.

Carta ao 2021. Un ano de pandemia

Esta semana cúmprese un ano do peche dos coles pola pandemia. A Covid-19 cambiou as nosas vidas: confinamentos, peches perimetrais, distancias, desinfección, apertas e bicos abeirados agardando poderen darse, medo… E tamén aprendizaxe, descubrir a importancia dos bos momentos, da liberdade do cotiá.

Dende o Departamento de Lingua Galega, o EDNL e a biblioteca, propuxemos en decembro ao alumnado escribir unha Carta ao 2021. Sumouse os curso de 1º, 2º, 3º de ESO e 1º de Bacharelato. De entre as cartas presentadas, seleccionamos dúas por nivel. A vida puxo atrancos no día a día das profes que o levamos e retrasamos a escolla. Cando o fixemos decidimos agardar ata esta semana para darlles ás alumnas e aos alumnos un pequeno galardón. Son Alexo Segade e Manuela Vázquez de 1º de ESO, Águeda Dios e Marta Cánive de 2º de ESO, Samuel Maneiro e Carlota León de 3º de ESO e María Rodríguez e Mariña Castelao de 1º de bacharelato. Parabéns!

Con estas cartas celebramos que resistimos, entre as correntes das fiestras abertas, as distancias nos corredores, as actividades en grupo anuladas, os protocolos estritos… PERO AÍ ESTAMOS, desexando que este 2021 sexa o ano en que recuperamos a LIBERDADE!

Dende o IES de Porto do Son para o 2021!!!

https://issuu.com/home/published/selecci_n_carta_ao_2021__1_

Recursos transversais para tempos de colaboración

Comezamos. E facémolo procurando novos vieiros nos que a Biblioteca pode ser útil á comunidade educativa do noso centro. Nun deses camiños viñamos andando dende hai tempo, a creación de materiais de uso interdisciplinario.

Neste setembro tan estraño, viramos o desalento en traballo en equipo. Conscientes das necesidades do centro e dos tempos que estamos a vivir, creamos na aula virtual a sección RECURSOS TRANSVERSAIS. ITI e Hábitos e Estilos de Vida Saudable unímonos para crear unha nova colección de fichas para aprender a manexar ferramentas TIC básicas, a Colección Ferramentas dixitais (partindo do dominio educativo @ieson.gal, explicamos como entrar e saír do correo de forma segura, a configuración e as aplicacións de G. Suite, como enviar un correo, como elaborar documentos google, etc.).

Hai uns anos comezaramos elaborando o material de Ferramentas Comúns de Aprendizaxe (como facer un esquema, como elaborar e presentar un traballo, como facer unha presentación, o uso dos dicionarios...). Vimos empregándoo no TIL e nas diferentes materias, principalmente do ámbito humanístico. Decidimos renomear este material como Colección de Competencia Comunicativa e aloxalo tamén nesta nova sección, xunto coa ferramenta didáctica de educación dixital Con brillo de cometa

Neste grupo de recursos transversais recóllese ademais A roda do tempo, proposta didáctica interdisciplinaria para traballar os maios elaborada polo noso compañeiro e colaborador do equipo, David Pérez Iglesias.

Podedes consultalo na aula virtual do IES de Porto do Son, é un recurso aberto. As fichas da colección de ferramentas dixitais publícanse como documentos pdf para descargar e como imaxes co enlace para compartir.

Nisto deu este tempo de espera no que as autoridades educativas non se decidían a dotarnos dos recursos humanos necesarios, enredadas como estaban en protocolos que non acababan de protocolarizar de forma definitiva e en decisións non tomadas coa suficiente previsión.

Agora toca seguir traballando. A pesar de…. Con ilusión!

 

23 de abril de 2020, tempo de… Compartir!

O equipo de biblio sumouse, con ilusión, á proposta do equipo directivo de participar nun vídeo compartindo as nosas lecturas, os nosos espazos para ler nestes días estraños. O ruxerruxe que sementou Ana Dapena foi tirando de nós, das mozas, dos mozos, do profesorado, de nais e pais…

Velaí van, por aquí, por Instagram, polo Facebook, por Whatsapp, as nosas fiestras ao mundo, os camiños que estes días, a través dos libros, nos levan máis alá!

Para todas e todos vós, neste 23 de abril de 2020! Entra, aquí: Compartir 

 

 

4º ESO A, lendo en familia dende o confinamento!

Loli, a nosa compañeira do equipo de biblio, propuxo ao alumnado da súa titoría ler, ler en familia, gravalo e… aquí temos as voces, as caras, os sorrisos! Mesmo a dun irmán que está ben lonxe!

Parabéns!!! Seguimos celebrando o DÍA DO LIBRO!!! 

Entra aquí para velo: Ler en familia dende o confinamento.

 

Lecturas no confinamento: guía de lectura de abril do 2020

Ao longo do día irán chegando os vídeos con recomendacións de lecturas do alumnado, de profas e profes,  nais e pais, irmáns e irmás… Compartirémolas convosco! Ana Dapena e Loli foron turrando de nós e puxéronnos a traballar! Xa veredes que chulos quedaron!

Onte publicamos no blog recursos para ler e celebrar a lectura: iniciativas de bibliotecas e asociacións que nos enchen de fiestras abertas!

Dende o equipo, seguimos o ronsel coa Guía de Lectura 2020: lecturas no confinamento. Lecturas para escapar pola ventá paraa todas as idades! Podes consultala e descargala aquí. BO DÍA DO LIBRO!

 

 

Ler en tempo de confinamento! Día do Libro, 23 de abril de 2020!

Levabamos un mes en “shok”! O covid-19 meteuse nas nosas vidas, nos abrazos, nos bicos, nos paseos, nos xogos… Pero hai un lugar onde non está: nos libros!!! O ruxerruxe de compañeiros e compañeiras e da rapazada  e o equipo de biblio colleu carreira de novo porque imos celebrar: O DÍA DO LIBRO!!!!

Van aí recomendancións de lecturas e recursos que nos consolan e nos lembran que a vida segue aí!

O primeiro, Galicia Le, a plataforma de préstamo de obras en formato electrónico das bibliotecas públicas galegas que nos dá acceso libre aos seus catálogos só con rexistrarse aquí:

2. Gálix ofrécenos  “Recursos abertos con moita LIX” (contos, concursos, libros para descargar, tradición oral, radio, pódcasts, etc. Todo o que se move por aquí).

Entre todo o chulo que recomendan, a nós encántanos a Pandemia de contos, para disfrutalos grandes e pequenos:

Bibliotecas desas que levan moitos anos traballando pola lectura,  como a de Oleiros, que nos contan do Día do Libro e por que Kuala Lumpur é a Capiltal Mundial do libro:

 

A sempre querida Biblioteca Ánxel Casal que nos achega recomendacións dende a casa:

Audiolibros da Biblioteca Cervantes:

Banco de relatos sonoros, “Nosotros te leemos” da Rede de Bibliotecas de Lorca:

Da Biblioteca do Congreso, da BNC aos teus ouvidos, pódcasts con poemas, contos… para toda a familia:

E, por suposto, TODAS AS BIBLIOTECAS ESCOLARES GALEGAS que seguen CELEBRANDO A LECTURA!