Os dereitos das nenas e dos nenos

O pasado luns 20 de novembro conmemoramos na Biblioteca o Día Internacional dos Dereitos da Infancia. Así que mostramos nunha pequena exposición a diferenza que existe entre os nosos nenos e os nenos dos países non desenvolvidos en canto ao cumplimento destos dereitos. Observar outra realidade pon de manifesto a sorte que temos. Esta exposición acompañouse cunhas cantas lecturas que nos axudan a coñecer mellor outras vidas moi diferentes, pero igualmente con nenos protagonistas, como o noso alumnado.

Voces de África para lermos xuntos!

A Axenda 2030, os dereitos do neno, a acollida, a integración, a lectura, o sorriso dos rapaces e as rapazas! Teresa, a profe de Lingua Castelá e traballadora entusiasta no equipo de biblio, e Rubén, do departamento de Orientación, coordinaron unha actividade ben fermosa de promoción da lectura e a igualdade!

Algúns dos alumnos e alumnas do centro que viñeron a Porto do Son dende Madagascar e Marrocos, convertiron a aula específica nunha babelia de esperanza! Nun mapa localizaron os lugares de África onde naceron. Logo, o árabe, o malgache, o galego e o castelán foron as linguas nas que os seus compañeiros de 1º de ESO puideron escoitar El libro dorado de los niños. Por que? Pois porque “OS NENOS SON A SEMENTE DO FUTURO”!

No Día Internacional dos Dereitos do Nenos e as Nenas

Alá por 1924, a Liga das Nacións, precursora das Nacións Unidas, aprobou a Declaración dos dereitos do neno. Tras a 2ª Guerra Mundial, en 1948, aprobouse unha segunda declaración. Unha terceira, de 1959, melloraría as anteriores. É nesta data cando, a Asemblea Xeral das Nacións Unidas propuxo a celebración dos dereitos do neno o 20 de novembro. Cúmprense hoxe o 30 aniversario da Convención sobre os Dereitos do Neno. E nós, dende a biblioteca, tamén o celebramos: unha exposición e unha presentación que se pasou hoxe na entrada do centro. Informar para avanzar. Axenda 2030? Si, queda moito por traballar!