O anxo negro

O club de lectura “Fraga de novio” de maoires foi moi afortunado este xoves ao compartir mesa con Manuel Gago. O escritor pobrense aceptou o noso convite para compartir xantar e charla ao redor da súa primeira obra, “O anxo negro”.

Xornalista, profesor, historiador, etc., Manuel Gago axudounos a interpretar e coñecer  tradicións galegas das que nalgún momento oímos falar ou que mesmamente puidemos vivir: as tres marías, a bruxa da aldea, o aire dos mortos… Que gran descoñecido ese patrimonio cultural galego tan antigo!

Nesta extensa novela, Gago combina ficción e realidade, deixándolle ao lector a decisión de elixir que historia ou feito é o verdadeiro, ou incluso, verdadeiro a medias. Como exemplo, esta fotografía tomada antes da guerra civil con Castelao na zona da costa da Morte, a cal ten especial relevancia no libro. Averiguamos que a fotografía existe, aínda que o sucedido cos alí fotografados xa forma parte da ficción galega.

Pouco queda para rematar este curso , pois só unha lectura está pendente. Será para xuño, e contaremos tamén co escritor, Xerardo Agrafoxo, e cos membros do noso club de lectura irmá da Pobra do Caramiñal.

“Cambio climático” co programa Con-ciencia

Unha nova sesión do programa Con-ciencia. María explicou o cambio climático ao alumnado de 2º de ESO mediante un xogo con palabras e algúns experimentos. Que hai detrás de termos como nitróxeno, aerosol, protocolo de Kioto, aerosol, correntes oceánicas, CFC, correntes oceánicas, CO2, atmosfera, circulación termohalina, carbono, salinidade…? Que implicacións teñen para o futuro da terra? É preciso coñecer para poder actuar.

 

A BIBLIOTECA COA RUTA DA AUGA

O luns, nun día soleado, o alumnado do ciclo guiou os 80 rapaces e rapazas de 1º de ESO na Ruta da Auga dende o IES ata Cans! Xa van tres xeracións que saen do centro para este entorno transformado en aula.

O plan de acollida, convivencia, proxectos… Entrade nos roteiros da páxina do centro para velos!

 

A biblio, sempre na organización destas iniciativas a carón da vicedirección e o profesorado, saca ao corredor as tarefas que fixeron os alumnos e alumnas do curso pasado sobre este roteiro e achega os fondos que puidesen ser de interese para traballala neste curso: libros sobre o Concello, dicionarios, guías de plantas, árbores e animais, material sobre a auga… Continuamos co tema da Sostibilidade!!! Comezamos unha nova andaina na Ruta da Auga!

 

Comezamos o programa Con-Ciencia, por unha costa sostible

Onte comezamos o programa Con-Ciencia con Arenaria Coodinación. A biblioteca será o espazo onde se desenvolverán os obradoiros e talleres de divulgación científica sobre sostibilidade, nos que alumnado de 2º de ESO participará ao longo do curso en sesións de titoría e nas materias de Física e Química e ITI.

No marco do noso tema interdisciplinario para o 2018-19, facemos nosos os obxectivos desta iniciativa promovida polo Grupo de Acción Local de Pesca Costa Sostible,  Seo de Fisterra-Ría de Muros Noia, e no que colaboran o Parque Nacional Marítimo Terrestre das Illas Atlánticas de Galicia, a Asociación de Oceanográfos de Galicia e a Fundación CETMAR (Centro Tecnolóxico do Mar), co respaldo da Consellaría do Mar e o FEMP (Fondo Europeo Marítimo e de Pesca). Coma eles, pretendemos “con-cienciar” o noso alumnado e procuramos:

  • Poñer de manifesto a problemática actual global en materia de medio ambiente.
  • Valorar e debater como nos afecta a nivel local.
  • Fomentar unha actitude e traballo en equipo para tratar de expoñer solución.

María e David son os oceanógrafos que nos acompañarán en moitas das xornadas.  Chegaron ben cedo, e dispuxeron nas mesas da biblioteca un mundo vido do mar, próximo e afastado a un tempo, ao que nos foron levando da man e sobre o que espertaron a nosa curiosidade cienctífica e corresponsabilidade, entre sorrisos e chiscadelas que, de seguro, han ir facendo pouso.

Dos fósiles de amonites, primeiros moluscos dos que temos rexistro fósil, aos bivalvos, aos gasterópodos, escalópodos, aos cefalópodos, aos peixes…  Un mundo que sostén o noso ecosistema mariño. O Nautilus, coa proporción áurea que o converteu en paradigma da perfección estética e deu nome ao submariño de Xulio Verne. A caracola, na que as lendas acubillan o son do mar e que, en realidade, o que fai é ecoar os nosos latexos (non deixa de ser tamén poético!). Que comemos, volandeiras ou zamburiñas? Por que as ostras crean perlas? E o polvo, sería un alumno avanzado nas nosas aulas? Como se reproduce o melgache? Cantos dentes ten Gastón, o tiburón do Acuario da Coruña? Todas as baleas se alimentan de placton? Como se defende o cabaliño de mar, como se alimenta, como cría? Por que é tan importante a estrela de mar para o medio mariño?

E nós, que estamos a facer por manter este mundo que vai máis alá das películas de Disney, das lendas e do anecdotario popular que nos acompaña?

Observemos ese mar que nos alimenta, que sostén a economía de moitas das nosas familias, que nos aporta  pracer no deporte e no lecer. É un mar que está a falarnos dun planeta que se resente.

Aquí estamos pois co noso alumnado, coñecendo para aportar solucións e compromisos.

dig

Tras os pasos de Martín Códax, Xulio Verne e Mendinho

O xoves pasado, nuha actividade interdisciplinar organizada polos departamentos de Lingua Galega e Xeografía e Historia,  o alumnado de 3º de ESO tivo a oportunidade de visitar o Museo do Mar de Galicia en Vigo e asistir a unha visita guiada sobre o Pergamiño Vindel, manuscrito que recolle as sete cantigas de Martín Códax. Datado no século XIII, foi atopado polo libreiro e bibliógrafo Pedro Vindel formando parte da cuberta dun libro antigo. Tras varias visicitudes, o manuscrito foi adquirido pola Morgan Library de Nova York en 1977. Nese museo está dispoñible unicamente para investigadores; foi privilexio poder velo!!!

Mais o noso interese neste fermoso museo non era só a oportunidade de coñecer o Vindel. A saída complementaba tamén a lectura da obra de Ledicia Costas Jules Verne e a vida secreta das mulleres planta, que será traballada polo alumnado, pois neste espazo de excepción, recóllese información sobre Sanjurjo Badía, Jules Verne e a batalla de Rande, núcleos temáticos na novela.

Do museo, desprazámonos ao Centro Arqueolóxico Salinae. Dun tesouro a outro tesouro; do sal que se extraía nas salinas da etapa romana deriva a palabra “salario”.

Seguimos os pasos de Xulio Verne. Sentado a carón do polvo xigante no Areal,  semellaba indicarnos o camiño ata o capitán Nemo e a illa de San Simón. A Historia recibíanos no peirao: da cantiga de Mendinho aos tempos do Lazareto, da batalla de Rande, da Guerra Civil e a posguerra; logo o silencio e, hoxe, a illa dando voz á Memoria.

Neste vídeo lembramos a xornada:

"Vai de mar" e o Álbum Ilustrado no Mes do Libro

No Día do Libro Infantil e Xuvenil no que se conmemora o nacemento de Hans Cristian Andersen, inauguramos, na Casa de Cultura do Concello de Porto do Son, a exposición “VAI DE MAR e o Álbum Ilustrado”, que permanecerá aberta ao público ata o 21 de abril.

A mostra enmárcase nas actividades de promoción da lectura que, coordinadas polo  equipo de biblioteca do IES, se veñen desenvolvendo en colaboración cos centros de ensino do Concello e a Biblioteca Pública Municipal. Dende a entrada da nosa biblioteca no Plan de Mellora de Bibliotecas Escolares, este foi un dos nosos obxectivos, saír do centro ao entorno, dirixirnos e implicar neste labor á sociedade.

Se o abril pasado achegabamos á comunidade educativa o mundo do cómic, este ano pretendemos poñer en valor un xénero que nos apaixona, un xénero que trascende o ámbito do público infantil e xuvenil e que engaiola tamén aos adultos: o álbum ilustrado.

“VAI DE MAR”  é unha exposición que recolle os traballos de 17 ilustradores e ilustradores destacados do panorama galego, como Miguelanxo Prado, Irene Fra, Manuel Huía, Pepe Carreiro, Ánxeles Ferrer, Xosé Cobas… Artistas de recoñecemento internacional. GÁLIX, a Asociación Galega do Libro Infantil e Xuvenil cedeunos a mostra que estivo presente, por exemplo,  no III Congreso Ibérico de Literatura Infantil e Xuvenil e no Salón do Libro. É un acompañamento perfecto para os álbums que queremos compartir con vós.

O álbum ilustrado está a ser un dos xéneros destacados na literatura, pois une dous aspectos primordiais para o lector: a calidade do texto e a da ilustración. Presentámosvos publicacións e traducións ao galego e ao castelán de editoriais como OQO, Kalandraka, Edelvives, Bárbara Fiori,  El Jinete Azul… Os seus nomes son un referente na Literatura Infantil e Xuvenil, asociados a ilustradores galegos enriba citados e a outros nomes recoñecidos no ámbito internacional como Benjamin Lamcobe, Shaun Tan, Innocenti, Rebecca Drautremer ou Jimmy Liao. Pudeira parecer que os textos están destinados exclusivamente ao público infantil e xuvenil, mais este é un xénero que transcende o mundo da infancia e engaiola aos adultos. Como docentes, somos conscientes do valor que a calidade na ilustración ten na educación do gusto pola lectura.

Non menos relevantes, son os traballos dos alumnos que aquí podedes ver: ilustracións de contos, versións, recreacións, mesmo traducións acompañados sempre da imaxe creada polos rapaces e rapazas, de riqueza e variedade na técnica. Neste caso, todos os que mostramos pertencen ao alumnado do CEIP de Xuño.

 A mostra será visitada por unha boa parte do alumnado do concello. Para o seu aproveitamento elaborouse unha unidade didáctica que será empregada nas distintas sesións.

Aquí vos deixo o vídeo emitido por TV27 Barbanza:

http://27tv.es//components/com_contushdvideoshare/hdflvplayer/hdplayer.swf

Detrás destas iniciativas hai moitas horas de esforzo do profesorado,  horas non lectivas, non remuneradas, mesmo con frecuencia non recoñecidas. Iniciativas coma esta só poderán ser posibles se a sociedade e as autoridades valoran o traballo realizado.

Se hai un ámbito onde os recursos materiais e humanos non deberían diminuír é xustamente no ensino.

“Vai de mar” e o Álbum Ilustrado no Mes do Libro

No Día do Libro Infantil e Xuvenil no que se conmemora o nacemento de Hans Cristian Andersen, inauguramos, na Casa de Cultura do Concello de Porto do Son, a exposición “VAI DE MAR e o Álbum Ilustrado”, que permanecerá aberta ao público ata o 21 de abril.

A mostra enmárcase nas actividades de promoción da lectura que, coordinadas polo  equipo de biblioteca do IES, se veñen desenvolvendo en colaboración cos centros de ensino do Concello e a Biblioteca Pública Municipal. Dende a entrada da nosa biblioteca no Plan de Mellora de Bibliotecas Escolares, este foi un dos nosos obxectivos, saír do centro ao entorno, dirixirnos e implicar neste labor á sociedade.

Se o abril pasado achegabamos á comunidade educativa o mundo do cómic, este ano pretendemos poñer en valor un xénero que nos apaixona, un xénero que trascende o ámbito do público infantil e xuvenil e que engaiola tamén aos adultos: o álbum ilustrado.

“VAI DE MAR”  é unha exposición que recolle os traballos de 17 ilustradores e ilustradores destacados do panorama galego, como Miguelanxo Prado, Irene Fra, Manuel Huía, Pepe Carreiro, Ánxeles Ferrer, Xosé Cobas… Artistas de recoñecemento internacional. GÁLIX, a Asociación Galega do Libro Infantil e Xuvenil cedeunos a mostra que estivo presente, por exemplo,  no III Congreso Ibérico de Literatura Infantil e Xuvenil e no Salón do Libro. É un acompañamento perfecto para os álbums que queremos compartir con vós.

O álbum ilustrado está a ser un dos xéneros destacados na literatura, pois une dous aspectos primordiais para o lector: a calidade do texto e a da ilustración. Presentámosvos publicacións e traducións ao galego e ao castelán de editoriais como OQO, Kalandraka, Edelvives, Bárbara Fiori,  El Jinete Azul… Os seus nomes son un referente na Literatura Infantil e Xuvenil, asociados a ilustradores galegos enriba citados e a outros nomes recoñecidos no ámbito internacional como Benjamin Lamcobe, Shaun Tan, Innocenti, Rebecca Drautremer ou Jimmy Liao. Pudeira parecer que os textos están destinados exclusivamente ao público infantil e xuvenil, mais este é un xénero que transcende o mundo da infancia e engaiola aos adultos. Como docentes, somos conscientes do valor que a calidade na ilustración ten na educación do gusto pola lectura.

Non menos relevantes, son os traballos dos alumnos que aquí podedes ver: ilustracións de contos, versións, recreacións, mesmo traducións acompañados sempre da imaxe creada polos rapaces e rapazas, de riqueza e variedade na técnica. Neste caso, todos os que mostramos pertencen ao alumnado do CEIP de Xuño.

 A mostra será visitada por unha boa parte do alumnado do concello. Para o seu aproveitamento elaborouse unha unidade didáctica que será empregada nas distintas sesións.

Aquí vos deixo o vídeo emitido por TV27 Barbanza:

http://27tv.es//components/com_contushdvideoshare/hdflvplayer/hdplayer.swf

Detrás destas iniciativas hai moitas horas de esforzo do profesorado,  horas non lectivas, non remuneradas, mesmo con frecuencia non recoñecidas. Iniciativas coma esta só poderán ser posibles se a sociedade e as autoridades valoran o traballo realizado.

Se hai un ámbito onde os recursos materiais e humanos non deberían diminuír é xustamente no ensino.

Teo. Portosín.

O que foi tema do ano, o mar, foi tamén elo coas familias: irremediablemente, necesariamente. Pais, nais, avós… a familia enteira que sabe do mar, que vive do mar. Nas fotos, nas entrevistas, nas investigacións e, agora tamén, detrás da cámara. David montou as imaxes e escolleu a música e fíxonos a todos e todas un pouco Teo. Tomamos o vídeo e as palabras directamente de Soncine.

 “O mar é un. Algúns dos pais dos nosos compañeiros proceden de Perú, de Ilo, en Moquegua. Son mariñeiros. Teo Coari accedeu a levar ao traballo a nosa camariña. Nunca filmara nada. A naturalidade, a delicadeza da súa mirada, decidiunos, despois de moitas probas de montaxe, a deixar o vídeo case como veu do mar.

Citamos no son unha canción de Lamatumbá sobre o traballo do mar, e unha canción de amor de aCadaCanto, que fala do destino, do mar e da distancia. Podedes ver as súas webs lamatumba.com/ e musicasdesalitre.com/
O vídeo forma parte dunha serie de tres sobre o mar en Portosín.”

Ártico 2.0

Este foi un dos libros lidos neste curso por 4º de ESO. Foi traballado a fondo nunha unidade didáctica que perseguía a profundización na técnica de crear relatos. Se ben para unha boa parte do alumnado se fixo un tanto complexo, porén, os relatos que realizaron a posteriori proban que profundizaron e asimilaron a técnica. Tanto foi así que algúns deles foron presentados ao concurso literario convocado pola biblioteca e ao concurso realizado polas Letras Galegas no Concello.

Sofía Fajardo, de 4º ESO B fixo a seguinte reseña sobra a obra:

A 2ª edición da Editorial Galaxia, é unha edición corrixida e aumentada polo autor, Xavier Queipo, do seu primeiro libro, Ártico e outros mares, Premio da Crítica en 1991: unha serie de contos sobre o mar e as experiencias dos mariñeiros. Queipo amósanos a súa paixón polas viaxes, o mar e os amigos introducíndonos no seu mundo laboral e interior.

Este libro contén varios contos escritos por un home que é biólogo, o que fai que as historias estean enfocadas dende un punto de vista moi particular, con referencias frecuentes a manuais ou estudos, tanto recentes coma antigos, sobre animais mariños. Está cheo de elementos autobiográficos e historias que marcaron o vivir de Xavier Queipo.

Son contos curtos sobre o mar, os costumes nas vilas mariñeiras, as xentes… Tamén nos relata lendas sobre esa inmensidade que cobre grande parte do planeta, con tantos misterios e tanta vida por descubrir.

Penso que o autor quere, con esta obra, achegar ao lector ao mar, coas súas curiosidades, misterio e riqueza, introducíndonos no mundo das grandes aventuras marítimas de piratas, montros terroríficos,… Pareceume un libro entretido, doado de ler e interesante. A forma de contar é sinxela, conseguindo que imaxinemos facilmente as historias. Gustoume.

Poñendo en valor o mar coa Maruxía Cultural

Tratábase de poñer en valor O MAR, ese mar que anos alimenta a alma e o corpo, tan de nós, imprescindible nas vidas de todos e todas os que medramos na costa. É o mar do disfrute, dos xogos da infancia, do lecer, do deporte, dos amores, das despedidas, dos regresos … É o mar da economía, da empresa, dun pasado e dun futuro de posibilidades de desenvolvemento. CANTO SOUBO DISTO VALENTÍN PAZ ANDRADE!

Aquí podedes ver en imaxes as actividades da Maruxía Cultural:

 

http://www.vuvox.com/collage_express/collage.swf?collageID=0589b3291f

Vai amainando a marea -avaliacións de diagnóstico, exames, memorias, algo de cansazo-  pero aínda queda algunha que outra travesía coa que rematar o curso: saídas, coñecemento do patrimonio artístico e económico mariñeiro e lecturas, máis lecturas.