E os gañadores son…

A decisión foi difícil. Noites sen durmir, enfrontamentos para escoller, horas de café e té,  pero … finalmente  OS PREMIADOS do concurso literario MAR DE PALABRAS do Mes do Libro e do Mes das Letra FORON:

PARABÉNS A TOD@S!!!!

Falta Ronald  Ccama na foto que chegou tarde ao evento!

Estes son os traballos gañadores. Tres deles , os de Antía Castelo, Suso Montero e Xosé de Lucas foron tamén premiados no concurso do Día das Letras do Concello. Este último podédelo ler tamén na seguinte presentación:

 

Fishing and Life of a fisherman

Na materia de inglés, os alumnos de 3º de ESO andan tamén a voltas co mar. Da nosa compañeira Carmen Caamaño, chégannos estes traballos de Francisco Carleos Mayán e Clara M. Ponce Romero:

FISHING

  I am from Portosin, one of the most important fishing ports in the Galician coast. In my town a lot of little and big boats and ships go with nets and other fishing arts.

  The boats here go fishing in the same day, in the morning the port is with a lot of activity because all the people that work. There are buying and cleaning nets and fish. In other ports like Coruña, the ships go to for away and are away from the sailors´ house about 4 or 6 months, and they make their life in the interior of the ship.

FISHING´S ARTS 

POTS:  In one net in the interior of them, are fish, that smell so the other fishes: shrimps, octopus, etc, go away into the net.

TRACE:  This instrument drags himself along the sand in the bottom of the sea and catches cockles and clams, and other fish and bivalve that are buried.

NET:  This art makes a circle in the sea, that encloses fish and when all the net is out of the ship the sailors pull it to the boat dragging the fishing in.  

FISHING ROD:  This art is like a sport, it has one bait on the hook, and when the fish smell it and bite them, the sailor catches. When all the fish are in the reel, he catches the and saves them.

Life of a fisherman

     My uncle was a fisherman. He went fishing on the Galician coast. But everyday he couldn´t go to the sea to catch fish. During rainy season, it´s very risky to get into the sea. 

He didn´t have any other way to earn money. He woke up very early at 5:00 am. He had short lunch break. He was arrived to home at 11 pm. The life of the fishermans is a hard life. They work much and very hard. There are many fishing techniques.

He was out of his house a long time. He didn´t have a fishing vessel. I would say that fishing is an art. Fishing was everything for my uncle. He died fishing.

Maruxía cultural

Xa sabedes que levamos todo o ano a voltas co mar: lecturas, charlas, traballos de investigación, saídas… Mais estes días vindeiros serán intensos, HABERÁ MARUXÍA CULTURAL!

O programa é intenso. Como antes fixera Valentín Paz Andrade, o homenaxeado no Día das Letras deste ano, queremos poñer en valor O MAR. O mar dos esforzos, dos traballos, dos soños, da palabra…

Luns 23:  

  • Charla “O mar e a industria” por  Xan Carmona ás 16,30 h., para 2º Bacharelato no Salón de Actos.
  • Kitesurf para 1º de Bacharelato nas aulas de Educación Física.
  • Pola tarde, proxección da película “Mar libre”, para 4º de ESO na Biblioteca.

Martes 24:

  • Visita, durante a mañá, ao Centro de Salvamento Marítimo do Enxa para 4º de ESO B, C, D e o Ciclo con profesores de Educación Física e Tecnoloxía.

Mércores 25:

  • Mesa redonda con representantes dos ámbitos da acuicultura, o cultivo en bateas, a confraría e unha empresa de deportes áuticos, para o alumnado de Economía, de 11,20 A 12,10 h. no Salón de Actos.
  • Vela lixeira durante toda a mañá para 1º de ESO

Xoves 26:

  • Charla “Os naufraxios” por  Mariño del Río, de 13,20 a 14,10 h. para 4º de ESO no Salón de Actos.
  • Actividade sobre remo  no polideportivo (de 10,30 a 12,10, para 2º ESO B e C e de 12,30 a 14,10, para 2º ESO A e D).
  • Visita á exposición “O cómic galego e universal” organizada pola biblioteca do centro na Casa de Cultura do Concello de 10,10 a 11,20 h., para 1º ESO A e B.

Venres 27:

  • Visita á exposición “O cómic galego e universal” organizada pola biblioteca do centro na Casa de Cultura do Concello de 10,10 a 11,20 h., para 1º ESO C e D.
  • Achegamento ao submarinismo para 4º ESO no Salón de Actos de 11,20 a 12,10 h.
  • Actuación dun coro de mariñeiros para 3º ESO de 13,30 a 14,10 h. no Salón de Actos.

Xoves 3:

  • Mesa redonda con xente do mar para 1º ESO de 11,20 a 12,10 h., no Salón de Actos
  • Kaiak de mar de 10,00 a 14,10, para o Ciclo e 3º ESO.

 Venres 4:

  • Inauguración da Sala Perseveira coa actuación de Quico Cadaval, de 12,30 a 14,10 h., para 1º Bach.

Do luns 23 de abril a venres 4 de maio:

  • Proxección de curtas e documentais realizadas polos alumnos durante os recreos na entrada do centro.
  • Traballo nas áreas de lingua cos documentais: “A seca”, para 1º ESO e “A despensa salgada”, para 2º ESO.
  • Exposicións:  “Léxico mariño” e “Deportes náuticos”
  • Xogos na praia para 1º ESO en horario de Educación Física
  • Recollida dos traballos dos alumnos presentandos ao concurso de narrativa, poesía e ilustración en torno ao mar: Ronseis do mar na palabra.

 

 

 

 

Camiñan descalzas polas rochas

No marco do MAR como tema interdisciplinar, para conmemorar o Día da Muller Traballadora, desenvolveremos no centro actividades que pretenden poñer en valor o traballo da muller neste ámbito, tradicionalmente masculino, mais no que vén desempeñando un importante labor:

  • Luns 5 de marzo, de 16:30 a 18:10,charla de Luísa Muñoz “O traballo nas conserveiras”.
  • Xoves 8 de marzo, no segundo recreo, concerto e recital a cargo de alumnado e profesorado do centro.
  • Xoves 8 e venres 9 de marzo durante os primeiros recreos pase do documental “Un mar de mulleres” do Grupo de Acción
    Costeira da Ría de Vigo-A Guarda.
  • Exposición fotográfica sobre a muller e o mar: “Camiñan descalzas polas rochas”.
  • Exposición “Mulleres e deporte”.

       

 

 

 

 

 

 

 

Dende a biblioteca, tomamos os versos dun dos poemas de Ana Romaní, “Camiñan descalzos polas rochas”,  para acompañar as fotografías realizadas polo alumnado de 4º de ESO na materia de lingua castelá, coordinados pola profesora Begoña Louzao. As nais, as avoas, as amigas e mesmo as alumnas… tal que tantas outras “penélopes” que, como dicía o poema de Xoana Torres nalgún momento dixeron “EU TAMÉN NAVEGAR”! , ” rebeláronse contra a Historia”  tecendo “tesouros de auga cada noite”.

Camiñan descalzas polas rochas,

pantasmas de sal habitan as sombras,

saben que as últimas mareas

esqueceron na praia os restos do naufraxio.

As mulleres recollen cada noite

os tesouros de auga, líquidos e fráxiles,

rebélanse contra a Historia,

constrúen co mar as estatuas

que nunca permanezan.

As mulleres de sal, con argazos de sombras,

xorden das últimas mareas

e tecen tesouros de auga cada noite

contra a Historia.

Elas, que saben que o efémero permanece.

 

http://photopeach.com/public/swf/story.swf

Camiñas descalzas polas rochas on PhotoPeach

 

Chámademe Simbad

Dentro das lecturas que no centro estamos a facer sobre o tema do MAR, o alumnado de 1º de ESO leu na materia de Lingua Galega a obra Chamádeme Simbad de Francisco Castro. Grazas á editorial Galaxia que publica a obra, o mércores 30 de novembro tivemos a oportunidade de disfrutar dunha interesante charla co autor. Esta novela xuvenil adéntrase no tema do Alzhéimer.  As aventuras dos mares non sempre son mariñas e poden non ir máis alá do noso sofá… ou si. Paulo, un rapaz de once anos, virará en Simbad da man do seu avó Paulo, o Capitán dos Sete Mares. Francisco Castro lévanos polas augas da tenrura, nun barco que carga nas súas adegas bocois de humor, cariño, reflexións e soños, imprescindibles provisións na singradura do cotiá que enmarcan para nós as ilustracións de Manel Cráneo.

O autor presentouse como un home que “pinta libros e recorta revistas” e que se marabilla ante o acto de comundicación cos lectores. Os rapaces e rapazas de 1º de ESO tiraron da liña e, como bos mariñeiros das palabras,  comezaron un áxil e interesante diálogo co escritor. Como profe, foi un pracer ver a esta nova fornada fiar unha pregunta con outra e compartir con el a súa visión da novela -sen dúbida, hai detrás un bo traballo de Dores e María Xesús, as profesoras que lles dan clase-. E para rematar “a pesca”, Antía Piñeiro e Rebeca Corrales, sen dúbida con futuro no oficio da procura da noticia, endeireitaron a proa dunha entrevista que estamos a espera de ver en canto David poida montar as imaxes que Iris Ferreiro recolleu para nós. Mentres, da man de Teresa, as imaxes:

http://www.vuvox.com/collage_express/collage.swf?collageID=04bf0fcfa4