ANOTACIÓNS PARA LER “RESISTENCIA” NO CLUB

 

 

 

 

 

 

 

 

Os rapaces e rapazas do club de lectura, facendo padal xa para a viaxe a Aveiro, leron Resistencia de Rosa Aneiros (ben, non todos leron, mmmmm). Para achegarnos ao contexto histórico e espazo-temporal da novela, antes, investigamos un pouquiño… Premede na imaxe para consultar a información que recompilaron (este blog está limitando a publicación dalgúns recursos de edición):

Mentres algúns investigabamos, outros gravaron algún fragmento na radio; agardaremos a que teñamos un tempiño para editalo!

Obradoiro de Radio na Biblio con Ponte nas Ondas!

Onte estiveron connosco Xerardo e Damián, de Ponte nas ondas, dentro do programa de formación de Radio na Biblio. Alumnos e alumnas de 1º e 2º de ESO (boa parte do club de lectura), e un grupo de profes que os acompañaban, formáronse onte como técnicos de radio. Foi unha intensa e ben aproveitada xornada que comezou ás 13.10h e rematou ás 18.00h. Familiarizarse tecnicamente coa radio, aprender a facer un guión, saber do reparto de tarefas (técnicos, locutores…), reparar en como falar ante o micro… Traballando en equipo, fixeron unha práctica de creación dun programa de radio que tratou temas variados, dende publicitar Porto do Son, pasando por un consultorio sentimental, ata música con trap e rap!!!

Foi moi interesantes e divertido! Agora toca ir facendo novo programas e ir uníndonos a rede de escolas nas ondas!

 

Nas IX Xornadas de Bibliotecas Escolares

Temporal, disque alerta laranxa, porén o Salón Santiago estaba cheo de profesoras e profesores que o venres participaron nas IX Xornadas de Bibliotecas Escolares. E pagou a pena ir esa tarde. Un entusiasta Xurxo Mariño contounos o que xa sabiamos @s que estabamos alí: que na ciencia hai poesía, pero… que fermoso foi escoitalo e velo! Logo, Carmen Loureiro, sempre tan atinada, poñendo en valor o diálogo, a palabra, a imaxe. Ao día seguinte, nós escoitamos competencias transmedia, a paixón na mesa de poetas con Antía Otero e Rosalía Fernández Rial, as reflexións sobre a linguaxe e a lectura de Pilar Esteve (imposible non tomar centos de notas!), as compañeiras do Aquis Celenis a contarnos da “biblioteca aumentada”, os graffitis poéticos de Fran Alonso e Nana, a música/poesía de Uxía Senlle… E nós tamén estivemos por alí contando os nosos comezos no programa Radio na Biblio! Intensa e ben aproveitada fin de semana de formación!

 

17 de maio, Día das Letras Galegas: María Victoria Moreno

Estamos xa de cheo no mes das Letras; achégase o Día das Letras e polo centro andamos a saber dela. Dende o equipo de biblioteca elaboramos unha presentación que acompaña a exposición do corredor. O alumnado de 1º e 2º de ESO saíu das aulas para saber un pouco máis estremeña que namorou de Galicia e da súa fala.

Aquí vos deixamos a presentación que recolle a información da exposición. Pinchade na imaxe para poder vela:

Animádevos tamén a escoitar o podcast Ouigha con Castelao e compañía, haberedes de atopar a María Vitoria tamén pola Onda Perseveira, a nosa radio!

 

Go to download

Poemas de Carlos Negro en Onda Perseveira

Os mozos e mozas do club de lectura dos máis novos andan a aprender nas ondas, nas ondas da radio. E quixeron facelo recitando algúns dos poemas que máis lles gustaron de Carlos Negro. Escolléronos de Makinaria, Penúltimas tendencias e Masculino Singular.

       

Aquí vos deixamos o podcast:

Go to download

Nas ondas no Día Mundial da Radio con Billy Jean King!!!

Como ben sabedes, estamos a formarnos para traballar a Radio no centro. Fomos seleccionados entre os 20 centros que desenvolverán o proxecto Radio na Biblio, da Consellería de Educación. Somos concientes da valía deste recurso para garantir que o noso alumnado acade as competencias que marca o currículo, e, ademais, facéndoo dun xeito dinámico, motivador, enriquecedor na convivencia…!!!

Mulleres nas súas marcas 2

Javier Prado, de Rede Espora, é quen nos vai guiando no camiño. Co seu entusiasmo caracterizador, pediunos que fixésemos xa a nosa primeira emisión participando no Día Mundial da Radio, o 13 de febreiro. A campaña que este ano promove a UNESCO, As mulleres deportistas nas súas marcas, pretende visibilizar os seus éxitos e o seu traballo, tan pouco presente nos medios de comunicación. Non fixo falta moito para que nos apuntásemos! O tema pagaba a pena e… alá fomos cunha das nosas primeiras sesións radiofónicas. Na páxina da campaña, recóllese a  experiencia: o proceso, os centros que colaboramos e o podcast coas voces de alumnas dos distintos centros que poñen voz ás mulleres deportistas.

Día da radio

Nós enviamos tres propostas de gravación: a de Uxía, Noa e Xiana. Fixérono moi ben as tres, tendo en conta que era a súa primeira experiencia. Dende Radio Espora seleccionaron a gravación de Uxía para dar voz á tenista Billy Jean King, xunto coas das mozas doutros centros que axudaron a visibilizar estas mulleres.

ImaxesMulleresnassuasmarcasXA ESTAMOS NAS ONDAS!!!!!!