A biblioteca: sinerxía na Escola que queremos

Sinerxía

substantivo feminino

2. Farmacia Fenómeno polo que se combinan as accións de dúas ou máis substancias para obter un efecto maior ca a suma dos efectos individuais de cada unha delas.

Con esta definición abriamos Rut e eu, Sonia, como representates da biblioteca do IES de Porto do Son, a charla sobre os proxectos interdisciplinarios no noso centro coa que participamos o 7 de outubro nos Encontros CAFI de Bibliotecas Escolares sobre (AM) Alfabetizacións Múltiples e ABP (Aprendizaxe baseado en proxectos). Proxectos nos que o equipo de biblioteca vén colaborando ou que vén impulsando, e, sempre, enriquecendo. Porque sabemos que o ensino é iso, a combinación de accións e sentires para obter un efecto maior cá suma de accións e efectos individuais. Sumar, aprender e avanzar cara a ESCOLA QUE QUEREMOS!

Nas IX Xornadas de Bibliotecas Escolares

Temporal, disque alerta laranxa, porén o Salón Santiago estaba cheo de profesoras e profesores que o venres participaron nas IX Xornadas de Bibliotecas Escolares. E pagou a pena ir esa tarde. Un entusiasta Xurxo Mariño contounos o que xa sabiamos @s que estabamos alí: que na ciencia hai poesía, pero… que fermoso foi escoitalo e velo! Logo, Carmen Loureiro, sempre tan atinada, poñendo en valor o diálogo, a palabra, a imaxe. Ao día seguinte, nós escoitamos competencias transmedia, a paixón na mesa de poetas con Antía Otero e Rosalía Fernández Rial, as reflexións sobre a linguaxe e a lectura de Pilar Esteve (imposible non tomar centos de notas!), as compañeiras do Aquis Celenis a contarnos da “biblioteca aumentada”, os graffitis poéticos de Fran Alonso e Nana, a música/poesía de Uxía Senlle… E nós tamén estivemos por alí contando os nosos comezos no programa Radio na Biblio! Intensa e ben aproveitada fin de semana de formación!

 

2ª xornada de Cultura para a sustentabilidade

Onte tivemos a segunda xornada de formación do curso Educar para unha Cultura da Sustentabilidade na biblioteca. Alejandro Pérez Díez, do proxecto Alianza Terra (Grupo SEPA), presentou a Pablo Neira Cortea, profesor da Facultade de Ciencias da Educación e membro do Grupo SEPA e de Interea. Falounos da Educación como alternativa ao cambio climático, ese proceso dolorosamente real, inevitable e, do que quizais, dende a implicación da sociedade,  e polo tanto tamén das escolas, podemos emprender para minorizar os efectos. A responsabilidade interxeracional, a natureza como teito para as decisión, os datos que ofrece a Curva de Keeling sobre a evolución diaria da presenza de dióxido de carbono na atmosfera…

Cambio climático

Na segunda parte da tarde, Nélida Lamelas Castellanos, da Facultade de Economía da USC, e Paz Caínzos Rodríguez, de Intered Galicia e SEPA-Interea, realizaron para nós unha sesión dinámica, motivadora e xeradora de tempos de reflexión en común. O tema foi O eco-feminismo e o coidado da vida nos centros educativos. 

Canto por traballar, canto por concienciar!!! Niso estamos, na nosa responsabilidade co presente e o futuro dos noso alumnado, das nosas fillas e dos nosos fillos, da Terra.

 

1º OBRADOIRO DE RADIO BIBLIO

1,2,3… ADENTRO!!! Estamos xa plenamente incorporad@s á formación  de Radio Biblio, dinamizada dende Bibliotecas Escolares! Somos 20 centros que nos achegamos con ilusión a un recurso que se vén de reincorporar ás escolas e aos institutos con aires frescos. Deixados atrás os problemas das antigas radios escolares, as tecnoloxías permítennos redescubrir unha ferramenta  anovadora, motivadora e dinámica para facer que o noso alumnado acade as competencias do currículo: traballo en equipo, planificación e expresión textual tanto na escrita como na oralidade, alfabetización iformacional, tratamento da información… Pero, ademais, facilitará incidir nas liñas xerais que definen o noso proxecto educativo xeral, a convivencia e o entorno, e no tema interdisciplinar deste curso, a COMUNICACIÓN.

27067522_1539595699489251_3027093024105078504_n

Pois ben, Javier Prado, da rede de escolas pertencente ao colectivo Radio Espora , impartiu, o martes 30 un obradoiro de radio para o profesorado. Guiounos co seu entusiasmo. A primeira parte, unha introdución xeral, desenvolveuse na na biblioteca; na segunda, tras elaborar uns breves guións de programas de radio, realizamos unha clase práctica.

27067908_1775848996054144_2482727425149788655_n

27073113_1775849026054141_1590057237455630693_n

En abril, en plena Semana Cultural, un grupo de alumnos e alumnas unirase á formación. Pero antes iremos xa facendo prácticas con eles. Tentaremos atraelos cara a un recurso que, sen dúbida, lles permitirá acadar moitas das competencias de forma dinámica e motivadora.

Xa vos iremos contando!

 

EDUCAR PARA A CULTURA DA SUSTENTABILIDADE

Dentro do PFPP (Plan de Formación Permanente do Profesorado), hoxe participamos nunha formación sobre “EDUCAR PARA UNHA CULTURA DA SUSTENTABILIDADE” co Grupo de investigación SEPA-interea, USC e Intered Galicia. A formación foi a cargo do doutor Germán Vargas.

A biblioteca, unha vez máis,  implicada nun dos eixos transversais do centro: educar na cultura da sustentabilidade. A biblioteca, unha vez máis, como espazo de traballo, como aula recurso na formación do profesorado.

26904208_1530371967078291_1275520549423963642_n

Cultura e sustentabilidade

Nas X Xornadas dos Clubs de Lectura

Un ano máis, dende Bibliotecas Escolares, ofrecéroonnos a posibilidade de asistir á Xornada dos clubs de lectura, desta volta, un encontro especial, no que celebramos o X aniversario desta iniciativa que mudou o panorama lector nos centros escolares. Aí estivemos, cun grupo de alumnos e alumnas que representaban os nosos clubs. Houbo que erguerse moi cedo, pero pagou a pena. Tres alumnas escaparon da foto, pero aí estabamos o sábado ás 9 da mañá:

sdr
sdr

O Palacio de Congresos lucía fermoso para recibirnos, e Pista Catro, acolleunos cunha performance que nos levaría de libro en libro, de viaxe en viaxe, de aventura en aventura, de amor en amor… Vaia, coma nos libros…

dav
dav

Logo veu a recepción “seria”, pois iamos entregar o Premio dos Clubs de Lectura a Miguelanxo Prado. Todos podiamos ver, das imaxes das nosas lecturas, as sereas de De Profundis, os golfiños de Fragmentos dunha enciclopedia délfica, un Trazo de xiz camiño dun faro, as baleas e peixiños de cores de Ardalén, mesmo sentir esa vento que nos leva á memoria… Miguelanxo estivo hai tempo no noso centro; o cómic é para nós unha das descubertas máis entusiamantes dende que estamos nesta rede de lectura. Estabamos pois, tamén, de parabéns!

sdr
sdr

dav
dav

Óscar López, director e presentador do programa Página dos, programa de referencia no mundo dos libros na 2 de TVE, creou en directo un programa piloto para nós, axudado por un grupo de alumnos e alumnas. Con el fomos pensando o formato, as seccións, o título, os espazos de rodaxe, os tempos de produción, a melodía… e, axudado do cámara desta Xornada, os planos e a iluminación. Ata realizaron dúas entrevi stas en directo, unha a Ledicia Costas e outra a Violeta Moon, unha booktuber de éxito no mundo dos libros!

dav
dav

dig
dig

Logo, mentres os profes tiñamos charlas para nós, o noso alumnado puido participar en encontros con autores, obradoiros de rap, radio, dobraxe, cómic manga, regueifas, narración cinematográfica, narración de contos de medo… Un programa ben completiño.

Despois dun xantar acalorado, quedamos cos mozos e mozas dos IES Aquis Celenis, Ribeira do Louro e San Mamede. Viñemos con boas recomendacións para o curso que vén! Eles tamén levan as nosas!

dav
dav

Xa xuntos na sala Santiago, César Mallorquí fixo un particular “Eloxio da mala literatura”.

O peche foi de excepción: Xavier Díaz e as Adufeiras do Salitre foron quen de erguernos a todos para bailar pasobres, xotas… Petamos a rede cos chíos!!!

sdr
sdr

sdr
sdr

 

IX Xornada dos Clubs de Lectura. Vídeo resumo.

Dende Bibliotecas Escolares fannos chegar o vídeo resumo das IX Xornada dos Clubs de Lectura. Con Pedro, do Aquis Celenis de Caldas, falando do porqué dos clubs de lectura, da importancia que teñen para nós a nivel persoal e profesional. É un pracer compartir con Pedro, Marga, Ana e o seu alumnado traballo, viaxes, roteiros e descobertas de fermosas bibliotecas, librarías… até o de agora, no país veciño, Portugal.

IX XORNADAS DOS CLUBS DE LECTURA – 2016 from Bibliotecas Escolares de Galicia on Vimeo.

En galego falo, en galego sinto… e O arco da vella

Hai uns días Silvia agasallounos decorando o Taboleiro da Lingua con bicos e palabras fermosas como as da canción de Brinca Vai de Meu o mundo é!EN GALEGO FALO, EN GALEGO SINTO!!!!

Taboleiro da lingua

Esta semana recibiunos co  “arco da vella” e foi quen de retirar para nós a chuvia de maio cos versos de Manuel María!!! Grazas Silvia!!

O arco da vella 2

O arco da vella

 

 

VI Xornadas de Bibliotecas Escolares: Biblioteca Escolar, base de exploracións

cartel_def_15_petit2_0Tres profesoras do equipo de biblioteca asisitimos esta fin de semana ás intensas pero interesantes VI Xornadas de Bibliotecas escolares. Alí, o sempre entusiasta biólogo Xurxo Mariño levounos á ciencia nunha “viaxe arredor do mundo” chea de aventuras e sorpresas; descubrimos a Carlos Magro, quen reflexionou sobre o papel das bibliotecas escolares no momento de transformación que se está a vivir -a presentación foi un exemplo de bo facer, a comunicación da man dun deseño impecable-; escoitamos os consellos para nós imprescindibles de Rosa Piquín, Guadalupe Jover, e de compañeiros e compañeiras das nosas bibliotecas – Luz Paramio lévanos a aqueles momentos en que botamos a andar o noso proxecto hai xa sete anos!-; para pechar, á tardiña do sábado, cando o cansanzo ía xa asomando, Ana Siro, arxentina especialista en álbums ilustrados e literatura infantil e xuvenil, mantívonos un sorriso no semblante durante toda a súa intervención, sorriso que comezou abrindo con este vídeo que agora comparto con vós:

Se vos apetece, podedes consultar o material -charlas, presentacións,…- que dende BE comparten sobre as Xornadas pinchando no espazo redebe