IV Festa da Lectura e presentación da Guía co Galo Mirindolo

Un ano máis celebramos a IV Festa da Lectura e presentamos a Guía de Lectura do Día do Libro!!!!  Nela os colexios de Portosín, Sobrado-Nebra, Campanario, Caamaño, Carballosa, Seráns e Xuño, a Biblioteca Municipal e a nosa biblioteca –coordinadora das actividades colaborativas de dinamización- achegámosvos as nosas recomendacións. Como vén sendo habitual será repartida ás familias, nas casas de cultura, nas librarías….

galoDesta ocasión a estrela foi o Galo Mirindolo, o personaxe dun dos libros que recomendamos: aXente CorrenteGalo Mirindolo, de Tino Fuentes, Fernando de Castro e Xoglares, editado por AgaSalle . O libro cd sobre educación vial foi traballado nas aulas dos colexios e notouse, pois a rapazada cantaba e coreaba as cancións e demostrou ter aprendido moi ben as normas de seguridade vial. O Galo Mirindolo, que conducía como un tolo, tivo que escoitar os consellos que lle berraban dende o público! Foi moi divertido unir unha vez máis a lectura e a festa!

Uns estupendos presentadores, Juan Carlos e Miguel, de 3º D, abriron a función!

P1030346

O equipo de biblioteca está especialmente orgulloso pois Fernando, o ilustrador, é un dos compañeiros que coopera activamente con nós. Por outra banda as actividades en torno ao teatro, as contadas… van dando os seus froitos pois, Katsuma e Angel, dous alumnos do centro, actuaron  representación. Xa se lles ía vendo a madeira de artistas!

Festa

P1030367

 Agradecemos  ao Concello que siga custeando a impresión da Guía e a Abanca a aportación que nos permite cubrir unha parte da Festa.

E por suposto, a Alfonso, profe tamén de Plástica, a maquetación destas Guías tan chulas! É unha sorte contar cun departamento coma este!

Se queredes saber como xurdiu aXente Corrente, podedes velo neste vídeo.

BO DÍA DO LIBRO! BOAS LECTURAS!

O galo Mirindolo e os nosos álbums ilustrados

O Nadal é sempre unha boa época para sacar aos corredores algunhas das alfaias da nosa biblioteca: os álbums ilustrados. Ao carón das palabras,  Jimmy Liao, Benjamin Lacombe, Rebecca Dautremer, David Daniel Álvarez, David Pintor ou Innocenti impactan, evocan, emocionan e cuestionan coas súas imaxes.

Mais nesta ocasión temos un novo membro entre os nosos álbums: aXente Corrente. Galo Mirindolo escrito por Tino Fuentes, musicado por Xoglares e editado por AgaSalle.  O responsable da calidade plástica do libro é Fernando de Castro, un dos nosos compañeiros do Departamento de Plástica, que nos permitiu expoñer os bosquexos e probas de imprenta que nos falan do proceso de creación na ilustración.

Como veredes, este galo ben moderno loce a súa cresta con fachenda merecida. Non é pouco o seu labor: guiarnos no comportamento que debemos ter como pasaxeiros, peóns ou condutores. O libro ofrece un diálogo de imaxes en cor e branco e negro, de estéticas realistas e anovadoras, de vida e arte, de educación e lecer. Palabra, debuxo e son.

O galo Mirindolo saúda a maiores e pequenos dende a cuberta co seu sombreiro. Seguro que nos coles e nas nosas casas ha de dar que falar e que cantar!!  Será un bo agasallo nestas festas!!!

 

2013-12-16 01.40.43