E os clubs de lectura… volvemos a Viana!

Xa van alá cinco viaxes compartidas do noso club de lectura cos amigos e amigas do Aquis Celenis de Caldas! Ana, Pedro, Marga, os mozos e mozas cos que celebramos cada final de curso!

Coma sempre, Portugal é o noso destino escollido. Desta volta regresamos a Viana, a fermosa vila que fora o primeiro destino destas viaxes partilladas.

Houbo tempo para todo: o xoves,  xogos de presentación, piscina, “piquenique”, visita guiada e contacontos na Biblioteca Municipal de Viana -obra do arquitecto Álvaro Siza-, roteiro para coñecer a vila, baile á noitiña…; o venres, visita á Casa dos Nichos e roteiro “manuelino”, subida no funicular a Santa Luzia e descanso no parque antes do regreso.

Agradecemos ao servizo de turismo da Câmara Municipal a súa atención e ao persoal da Biblioteca Municipal e da Casa dos Nichos a súa acollida!

Marga traballou na fin de semana e enviounos este vídeo co que deixamos a nosa pegada para a lembranza:

Dende Porto do Son, con menos tempo nestas épocas de memorias e burocracias escolares, achégámosvos algunhas fotiños máis:

//es.slideshare.net/slideshow/embed_code/key/eV3Cazc6XmWYER

Despedímonos así ata o próximo curso. Un descansiño ben merecido!

ferias1

A viaxe a Viana

Aquí vos quedan as moi doces horas da viaxe a Viana.

Xuño 2010. Remataran as clases….

Alí marchamos tres clubes de lectura de tres centros: O IES do Son, o CPI de Cuntis e o IES de Caldas.

A celebración da fin do curso.

A celebración do traballo feito desde as bibliotecas escolares.

A celebración da esperanza, da alegría, da liberdade.

Vinte Dez TV estivo alí para contárnolo.

a viaxe a viana from SonCine on Vimeo.

Clube Lector “As Campaíñas” de Cuntis: blogoteca.com/​ascampainhas/
Clube de Lectura “iESCALDasletras” de Caldas de Reis: iescaldasletras.nireblog.com/
Clube de Lectura Fraga de Novio de Porto do Son: etikeles.blogaliza.org