Facendo monicreques para as contadas

Aquí estamos facendo os monicreques para as Contadas. Son o grupo de mozos e mozas de 3º de ESO que participarán este ano , boa parte deles do club de lectura! E claro, botamos man de dous dos espazos máis chulos do inst: a aula de xogos e o Espazo Maker. Van quedando ben feitiños: os lagartos, o rato, a ovella, a toupa, a abella…

O club de adultos medra

A xuntanza do club de lectura de adultos acadou un novo récord de participación neste curso. Temos a sorte de contar con máis nais de alumnos que participan das lecturas compartidas (onde están os pais?). Benvidas Cris, Pili e Rosa!

Con respecto a esta última apreciación (nais/pais), xusto o libro que lemos no mes de outubro, levounos á discusión sobre a maternidade e a paternidade. Existe o instinto paternal? Por que somos as nais as que nos encargamos maiormente da crianza dun fillo? Sucede esto mesmo noutros lugares?

O libro en cuestión chámase Rosa cándida, da escritora islandesa Auður Ava Ólafsdóttir. O feito de coñecer máis de preto esta cultura tan lonxana a nós vale a pena, pero se a iso lle sumamos unha lectura fácil e entretida, pois con bo criterio pódese recomendar como lectura. Eso sí, non todo o mundo tivo este criterio, pois como sempre cando un grupo grande comenta o mesmo tema, surxiron matices. Pero esto é o enriquecedor dun clube de lectura!

Co próximo libro voltamos a Galicia da man de Héctor Cajaraville e o seu libro De remate. Seguro que non defrauda.

Versos para un ano máis cos clubs!

Un ano máis! Caras novas que se unen a nós na grata experiencia de ler, de compartir novelas, poesía, teatro, cómic, álbum ilustrado, pelis sobre libros, obradoiros, viaxes… Comezamos o camiño tirando dos andeis os libros e prendendo nos títulos para facer poesía. Xa o fixeramos o curso pasado. Sabiamos da experiencia no IES Laxeiro de Lalín. Gustounos, gustou. Repetimos!!

 

 

 

Mesturados os maiores cos máis novos, foron tirando do fío das palabras e saíron poemas ben acaídos!

O gardián invisible,

irmán do vento,

e a tecedeira de Bonaval.

O cabalo de ouros ensínalles

o que é a vida

do monstro das palabras

e unha bruxa ben rara.

A noite do sábado,

crea un círculo vicioso

que desafoga o crime en Compostela

(Pedro, Mónica, Sara, Manuel)

 

Todo ojo de nube

baila con los diarios de cereza

por no hablar de la uve

a la que le da mucha pereza

Al encender la noche

Don Quijote se subió en el coche.

Y contando relatos escalofriantes

hasta las raíces del mar se fueron antes.

Se fueron a la casa deshabitada

donde se encontraron con un hada.

Anya y el tigre blanco entraron en el pazo vacío

cuando aún caía el rocío.

Iban en busca del tesoro,

tuvieron suerte y encontraron el oro.

(Valeria, Iria, Candela, Hugo e Toni)

 

Chamábase Luís.

Atrás quedara o monte do Cerveiro.

Procuramos amor de tango 

que había prender nas raíces do tamarindo.

Foi o cabaleiro da rosa

quen me aprendeu que non hai

noite tan longa…

Que as engurras podían termar do amor en alpargatas.

Malia que veña vindo o sol de inverno,

xuntos e máis nada

(as profas)

 

Réquiem a la razón

 

La razón de nuestra generación

está destinada al crematorio.

Ya ha sucedido antes,

el domador de leones los ha sosegado con la sangre de los inocentes.

Que nadie duerma esta noche,

sobre la faz de la tierra, el pacto de los asesinos complace al diablo.

Los soldados no lloran,

producto de una sociedad aséptica en emociones.

Intenta mantener la calma y ser tu mismo ante los ojos del lobo,

sin acabar por adoptar su forma.

El cartero de Neruda entrega el final del desastre.

(Julia González, Mariña Castelao, Indira Fernández, Érika Ventoso e Clara Tomé)

 

 

Comezamos cos clubs!!!

Setembro foi mes de estándares, planificacións, programacións, avaliacións iniciais…. Comezamos forte despois dun estupendo verán que semella non querer marchar.

Pouco a pouco as actividades botan a andar e, como non, aí estamos as profas do equipo de biblio cos clubs de lectura. Fixemos xa unha convocatoria para os clubs de alumnos e alumnas, con moito éxito. Fixamos para o 8 de outubro unha primeira sesión conxunta.

O primeiro en reunirse foi o club de adultos, o club Fraga de Novio, cun xantar para comentar o lido no verán, poñer en común propostas para o novo curso e repartir xa a primeira lectura, Rosa cándida da escritora islandesa Audur Ava Ólafsdóttir. Acae moi ben esta obra mesmo ao tema interdisciplinario deste curso, a sostibilidade. Paisaxe, xardinaría, literatura, cine, crecemento persoal… Veremos que nos depara esta novela que foi éxito da crítica.

Seguimos os que estabamos: Sabela, as Lolas, as Carmes, M. Xesús, Isabel, Rut, Salomé, Sonia, Antón, Luís e Stella.  Demos a benvida a Camelia e a Ana!!! Un gustazo, vaia!!!

Algúns de nós asistimos o venres pasado á presentación en Noia do libro de Xerardo Agrafoxo Un país sen fronteiras. Trinta días a través do Senegal. Ha de ser unha lectura interesante para o club, mesmo para ter un encontro co autor. Seguimos coa sostibilidade!

 

 

Unha mestura curiosa

Ás veces cremos que cando se mesturan cousas que a priori non combinan moito como tipos de música ou comida, sorprende o resultado, e a mestura é espectacular. Pois isto sucedeu na última xuntanza do clube de lectura de adultos, onde o obxecto da mestura foron dous libros de autores moi diferentes: un mestre xaponés de manga e unha gran escritora galega actual. Atrevémonos a combinar unha gran obra mestra do cómic manga, “Adolf”, de Osamu Tekuza e “Seique”, de Susana Sánchez Aríns.

Os comentarios e conversas sobre os libros foron por separado,pero aínda así pasamos tranquilamente dunha historia de dous nenos ambientada en Europa e Xapón durante a Segunda Guerra Mundial, a unhas intricadas relacións familiares na Galicia rural de mediados do século XX. Dúas obras moi distintas, en orixe, en formato, en redacción,…pero casualmente as dúas nos mostran o poder absoluto, autoritario, o abuso e a imposición de ideoloxías.
Só queda para esta tempada outro libro, “Luns”, de Eli Ríos, e agardamos compartilo cos compañeiros do club de lectura “Caramiña”, da Pobra do Caramiñal

Facendo “Patria” co club de lectura

Comezamos o ano novo no club de lectura de adultos coa xuntanza en torno a “Patria” de Fernando Aramburu. E seguindo a estela das últimas xuntanzas, esta tampouco decepcionou.

IMG-20180117-WA0002

A novela ,ambientada na Euskadi dos anos 80, móstranos a crudeza da actividade de ETA, vista desde as dúas partes implicadas. Tamén relata todo un ronsel de sentimentos, relacións persoais,… que acaban tocando a fibra máis sensible.  Gustounos a todos. Ou casi…. Como sempre, houbo puntos de vistas discrepantes o cal enriquece a xuntanza. É engaiolante ver como un mesmo libro pode dar diferentes lecturas, ou diferentes análises (hai quen fai análises sintáticas mentres le!)

No que si estamos de acordo é en clasificar este libro como altamente recomendable.

Para febreiro leremos “Morgana en Esmelle” da escritora galega Begoña Caamaño. Ademais,  imos incorporando máis membros ao clube…benvidas Salomé e Ana!

Bo Nadal 2015-16!!!

campananadal montaxe

O alumnado de 1º de ESO e Silvia, coas súas profes, Teresa Fernández e Rocío, desexáronnos un Bo Nadal. Silvia montou unha árbore fermosa, agasallou a todos os profes e o persoal do centro con postais moi orixinais. Os rapaces e rapazas de 1º xuntaron as súas mans nun saúdo de agarimo no que escribiron o título dun libro que recomendan e os seus soños para o ano que comeza. 

Así de navideña lucía a biblio:

P1030796

 

Con ambiente festeiro celebramos o Nadal. Xuntamos os dous clubs de lectura e o de escritura -aínda que non estabamos todos polos exames de última hora- para comer bombóns, piñóns e galletiñas navideñas que preparou María Xesús e cantar vilancicos -algo desafinados, aínda que creo que as profes saímos mellor paradas!-.

Nadal Club

portada.fh11A vindeira sesión será conxunta e leremos un libro que irá turrando na nosa curiosidade: A evolución de Calpurnia Tate de Jacqueline Kelly.

Profe Iria, encantounos que estiveses connnosco nestas sesións. Se podes, gustaríanos que te achegases á seguinte para aprender de bichiños contigo e con Calpurnia! E se non é así, foi un pracer!

Bo ano a tod@s!

 

Biscoito e café con Riveiro Coello

P1020699

O luns pasado foi unha sesión especial para os clubs de lectura do instituto. Por unha parte, xuntabámonos os maiores e os máis novos arredor dunha mesma lectura, Acordes náufragos, e por outra,  tiñamos a oportunidade de compartir tertulia co autor, Antón Riveiro Coello. Este aceptou xenerosamente achegarse ao noso centro nunha hora pouco común para falar de libros, cando menos para aqueles que non andan nisto dos clubs de lectura de ensino -o luns de 3 a 4:30!!!-. Nós procuramos compensalo con biscoito, café e compaña agradecida.

Antón levounos aos tempos da súa infancia, adolescencia e xuventude en Xinzo, a carón do Limia, marcados polo descubrimento da música e, posteriormente, da escritura… : “o máis democrático que hai”. Convidounos a ler, a escribir, a procurar o noso “idioma particular”, a “traballar sobre memorias emprestadas”.

acordesAlgunhas delas son as que poboan o relatos de Acordes náufragos, obra que recompila textos doutras épocas,  náufragos próximos e afastados unidos por una adival de guitarras e acordeóns.  Realidade e ficción, intertextualidade, mesmo humor. Unha queda pensando sobre a posiblidade real da existencia deses poboadores de noso: namorados no soños, Alicias valleinclanescas somerxidas en mundos do espello, mozas illadas no silencio, mozos sumidos na loucura -por veces tan lúcida,  tan cunqueiriana-, memorias que leva o río, a triste ledicia de vellos amantes… Relatos ben construídos que culminan en finais emotivos, seguindo os pasos da mellor tradición contística de Dieste,  como bolboretas arredor da luz.

Dan para afondar en temas de interese como o afundimento do Santa Isabel en augas da ría de Arousa, a figura de Valle Inclán e a súa relación coa Pobra, as lendas ou os referentes do conto galego, entre outros.

Foi un pracer poder falar de todo isto distendidamente co autor. Na próxima esperámolo coa guitarra!

Recomendando álbum ilustrado

No club de lectura dos benxamíns van ler álbum ilustrado. María Xesús e Teresa seleccionaronestes títulos entre o amplo fondo deste xénero que temos na biblio . Disfrutarédelos!

Retomamos o club de lectura!

DSC09114

Retomamos un ano máis as actividades do Club de Lectura dos maiores. Botamos en falta nesta primeira reunión a Daniel, Claudia, Fran, Pablo, Sandra e Rocío que andan xa incorporados aos estudos universitarios – e á movida que acompañan as horas de esforzo, seguro!- pero seguimos contando con Iria, Estrella, Alba, Sandra, Ángel, Nerea e Sara, e temos novas incorporporacións: Miriam, Rocío, Lúa, Alejandra e Antía. De seguro, alguén se irá achegando ao longo do curso.

Grazas a todas e a Anxo – este ano o único chico- por acompañarnos nestas sesións de libros, cine, café, colacao e galletas! Un pracer!

Pois ben, comezamos cunha proposta diversa en xénero arredor do tema dos movementos migratorios: cine, álbum ilustrado, cómic, poesía e relato.
welcome_cartel                                                           emigrantes



nómades

 

geografias-mario-benedetti