Os clubs en xaneiro: “Todo o tempo do mundo” e “Unha primavera para Aldara”

Os máis novos leron para xaneiro Todo o tempo do mundo. Co autor, que temos aquí ben pretiño, falaron da obra que cambiaron impresións sobre temas como as relacións cos maiores, o abandono do campo, a emigración, pero tamén sobre o reencontro con este mundo que, dende a sostibilidade, é posible e, de seguro, necesario.

Pola súa banda, os maiores achegáronse ao teatro con Unha primavera para Aldara, de Teresa Moure.  Vimos e escoitamos a autora, Teresa Moure, e a Xulio Lago e María Barcala, de Teatro do Atlántico, nos vídeos que se gravaron dende SonCine cando estiveron na nosa biblioteca para falar da obra e da posta en escena.  Se ben manifestaron que lían pouco teatro, a conversa sobre a obra fíxonos ver ata que punto é necesario o teatro. Un teatro comprometido, que procura a transformación das sociedades. Isto é o que acontece nesta obra ambientada na etapa da revolta irmandiña, no século XV. Temas como a loita polos dereitos, a identidade dos pobos, o papel da muller na sociedade e na historia, a violencia de xénero, a sexualidade, o amor, o coñecemento, a liberdade… fan desta obra que gañara o Premio Rafael Diente e o premio María Casares sigan a estar de plena actualidade.

As seguintes obras traen tempos de procuras, de rebeldías… e tamén aires de Portugal con Iria Misia e Rosa Aneiros:

Todo o tempo do mundo, á sombra

Despois de ter traballado Todo o tempo do mundo, mergullándonos nas voces descoñecidas da novela coas que elaboraron un glosario, o alumnado de 3º ESO C, tivo un encontro co director, con David. Por que? Pois porque tendo no centro o galardoado co Premio Merlín 2016, non ían rematar o curso sen saber da súa outra cara, a do escritor. Buscamos acubillo á sombra, nun día de calor abafante. E alí, sentados a carón da herba, semellaba que “todo o tempo do mundo” podería ser noso.

dav
dav

Foron preguntando… Por que comezaches a escribir? En que te inspiras cando o fas? Por que escribiches Todo o tempo do mundo? En que lugar te baseaches para escribir esta novela? Hai algún personaxe que quererías ter tratado con máis profundidade? A historia de Adriana, pasou de  verdade? A parte en que van talar o bosque, aconteceu na realidade? Como acabaría o conto se a rapaza non tivese que marchar? A lenda da muller loira da fonte, inventáchela? …

E así pasou a hora. Foi bonito. Mais…, non tiñamos “todo o tempo do mundo”.

"Todo o tempo do mundo" no club de lectura

Unha vez máis unimos os clubs de lectura do centro para falar xuntos arredor da mesma lectura. Nesta ocasión, como non podía ser menos, o libro Todo o tempo do mundo, a novela coa que David Pérez, o noso compañeiro, gañou o Premio Merlín.  Acompañados coma sempre dun café ou un colacao quentiño, foron saíndo as preguntas: como é iso de gañar o Merlín? como é iso de escribir? que che inspirou? que hai de ti no libro? un libro para mozos ou para adultos, ou para todos? e o ilustrador? a fala? os sons? os olores? os sentimentos nos que se atopan os lectores?…

Foi unha sesión agradable, coa vista posta nesa encadernación da colección dunha revista científica de comezos de século que inevitablemente atrae as miradas, e nese obxecto que David move constantemente na man, que agarra con forza pero tamén coa suavidade das lembranzas, como nun ritmo binario.

Na entrevista que lle fixeron para Salseiros, de TV27 Canal Barbanza, podedes escoitar algo máis sobre a súa obra.

“Todo o tempo do mundo” no club de lectura

Unha vez máis unimos os clubs de lectura do centro para falar xuntos arredor da mesma lectura. Nesta ocasión, xg00248701como non podía ser menos, o libro Todo o tempo do mundo, a novela coa que David Pérez, o noso compañeiro, gañou o Premio Merlín.  Acompañados coma sempre dun café ou un colacao quentiño, foron saíndo as preguntas: como é iso de gañar o Merlín? como é iso de escribir? que che inspirou? que hai de ti no libro? un libro para mozos ou para adultos, ou para todos? e o ilustrador? a fala? os sons? os olores? os sentimentos nos que se atopan os lectores?…

Foi unha sesión agradable, coa vista posta nesa encadernación da colección dunha revista científica de comezos de século que inevitablemente atrae as miradas, e nese obxecto que David move constantemente na man, que agarra con forza pero tamén coa suavidade das lembranzas, como nun ritmo binario.

dav
dav
dig
dig

Na entrevista que lle fixeron para Salseiros, de TV27 Canal Barbanza, podedes escoitar algo máis sobre a súa obra.

Chega o Nadal no club de lectura d@s maiores!

La nieta del señor LinhA neta

Un decembro máis, despedimos o ano disfrutando da lectura. Desta volta vimos de ler A neta do señor Linh, de Philippe Claudel, un libro que fala da soidade de seres que tentan sobrevivir á dor que causan as guerras, ao desarraigo dos fuxidos, dos expulsados… Unha soidade que atopa acubillo nunha voz que se torna amiga e que é quen de tornar un ceo escuro nun día luminoso. Fomos falando del, relendo fragmentos que nos levaron a outros libros, a películas, a momentos vividos. Da man do seu lirismo.

dav
dav

Escoitamos unha parte desta entrevista que lle realizaron na Feira do Libro de Bogotá:

E tamén vimos a curtametraxe de animación da canadense Laura Stewart, La soledad de los abuelos, que nos leva a algúns dos sentimentos tratados na novela de Claudel:

A nova lectura, como non, a do noso compañeiro David, Todo o tempo do mundo. Con el falaremos á volta das vacacións.

xg00248701

O club de lectura do IES de Porto do Son e o equipo de biblioteca

Gifs Animados Navidad (104)

DESÉXANVOS UN BO NADAL!!!

Presentación de "Todo o tempo do mundo"

Este venres, 4 de novembro, ás 19:30 horas, na Casa de Cultura Antón Avilés de Taramancos de Noia, Agustín Agra, Manuel Bragado e o noso compañeiro e director David Pérez, preséntannos Todo o tempo do mundo. 

xg00248701

O ritmo binario do avó, dos avós, da memoria, vai marcando a lectura… Imponsible non atoparse neste libro que gañou o Merlín no 2016. Dirixido a lectores novos, nós, os non tan novos, acomodámonos entre os obxectos, as palabras, os silencios.

Estaremos alí acompañando a David. Tempo haberá para que conversemos sobre a obra. Todo o tempo do mundo.

Presentación de “Todo o tempo do mundo”

Este venres, 4 de novembro, ás 19:30 horas, na Casa de Cultura Antón Avilés de Taramancos de Noia, Agustín Agra, Manuel Bragado e o noso compañeiro e director David Pérez, preséntannos Todo o tempo do mundo. 

xg00248701

O ritmo binario do avó, dos avós, da memoria, vai marcando a lectura… Imponsible non atoparse neste libro que gañou o Merlín no 2016. Dirixido a lectores novos, nós, os non tan novos, acomodámonos entre os obxectos, as palabras, os silencios.

Estaremos alí acompañando a David. Tempo haberá para que conversemos sobre a obra. Todo o tempo do mundo.

David, Premio Merlín 2016

Alégranos compartir a nova. David, o noso compañeiro e colaborador da biblioteca, quen leva sementando o mirar do noso alumnado a través de SonCine, conformando unha canle que é unha fiestra aberta á que asomarse para saber do centro e de Porto do Son, vén de ser galardoado co Premio Merlín de Literatura Infantil pola súa obra Todo o tempo do mundo.

DSC1958

Como el ben dixo, este recoñecemento é ao tempo un legado; nós sabemos que, ao xeito de Felipe de Amancia na obra de Cunqueiro, ha de seguir sabendo “tecer o pano distas historias, novelo a novelo”, achegándonos coa palabra e a súa cámara a esa “Selva de Esmelle”, non en van, a manta coa que Felipe se cubría na pousada de Merlín en Miranda, cando prendía nel o medo era “unha manta a faixas verdes, que por ambos lados tiña escrito en letras coloradas: DAVID.”(en “A selva de Esmelle” de Merlín e familia e outras historias). Semella cousa do destino.

O xurado deu a coñecer o argumento de Todo o tempo do mundo. Ariadna, a protagonista, é unha rapaza que tras ter que pasar un tempo co seu avó “prende na centenaria árbore familiar dándolle continuidade á estirpe” e, diríamos, prende tamén no rural “reivindicado en cada páxina desta novela, en cada unha das súas liñas, trasladando o lectorado a un mundo que case nos resulta alleo e lonxincuo por non vivilo, por non practicalo, por non recordalo, por non mencionar eses nomes que bautizan cada ferrado de terra do noso país…”; unha lectura das que, seguindo a C.S Lewis, valería a pena ler aos dez e aos cincuenta anos, pois é sabido, aínda que non sempre recoñecido, que “a literatura infantil é aquela que tamén poden ler os nenos”.

Xerais

Onte recollían tamén os seus premios Manuel Esteban, Premio Xerais de Novela pola obra A ira dos mansos, e Iria Misa, Premio Jules Verne de Literatura Xuvenil por Xa non estou aquí. Leticia Costas, que vén de recibir o Premio Nacional de Literatura Infantil e Xuvenil, leu o discurso “Todas as constelacións do mundo”. (Imaxe do Faro de Vigo).

Onte o telexornal serán da TVG daba conta do acto de entrega na illa San Simón e hoxe a prensa recolle a noticia.

Caderno da crítica transmítenos a emotividade desta xornada que celebra a palabra.

Ao Merlín acáelle a terra de Avilés de Taramancos, Carredano, Agustín Agra e, nesta ocasión, David. Algo terán as augas do Traba… que regan boas sementes.

PARABÉNS!!! Á espera de que se publiquen para poder lelas!