Día das Bibliotecas: inauguración do club de Ciencias

Onte, 24 de outubro, foi o Día das Bibliotecas. Hoxe o equipo de biblio celebrou o papel que as bibliotecas escolares xogan nos centros participando co club de ciencias na xornada inaugural. Estaremos aí, nas actividades, na redacción… Nesta primeira sesión co alumnado, construímos unha cúpula xeodésica con globos. Unha práctica do que será un dos produtos finais!

Homenaxeando a Neira Vilas acariñado na celebración do Día das Bibliotecas

Este luns, alí entre a exposición do Día das Bibliotecas, entre recomendacións de libros, marcapáxinas, guías de lecturas, imaxes de bibliotecas que nos gustan (tamén as dos coles do noso concello!!)…, celebramos o Día de Neira Vilas: o 3 de novembro. Impulsamos a iniciativa da Fundación Neira Vilas!!! Soubemos dos libros do autor que temos na biblio, lemos uns fragmentos de Memorias dun neno labrego, De cando o Suso foi carteiro e O cabaliño de buxo.  E seguimos coa exposición para falar sobre o papel das bibliotecas nos obxectivos da Axenda 2030.