Investigando sobre o Día do Libro 2020 e a LIX

Na materia de ITI investigamos poñendo en práctica o aprendido. No Día do Libro propuxemos unha tarefa de para aprender por que se celebra o Día do Libro, a que país se adica este ano, que é iso da LIX, quen a promove…

 

Estes foron algúns dos libros que recomendaron na última cuestión:

Tanis I o Mocos de Lourenzo González (Fabián)

A evolución de Calpurnia Tate de Jacqueline Kelly (Hugo)

After de Anna Tod (Carla)

 

 

Ler en tempo de confinamento! Día do Libro, 23 de abril de 2020!

Levabamos un mes en “shok”! O covid-19 meteuse nas nosas vidas, nos abrazos, nos bicos, nos paseos, nos xogos… Pero hai un lugar onde non está: nos libros!!! O ruxerruxe de compañeiros e compañeiras e da rapazada  e o equipo de biblio colleu carreira de novo porque imos celebrar: O DÍA DO LIBRO!!!!

Van aí recomendancións de lecturas e recursos que nos consolan e nos lembran que a vida segue aí!

O primeiro, Galicia Le, a plataforma de préstamo de obras en formato electrónico das bibliotecas públicas galegas que nos dá acceso libre aos seus catálogos só con rexistrarse aquí:

2. Gálix ofrécenos  “Recursos abertos con moita LIX” (contos, concursos, libros para descargar, tradición oral, radio, pódcasts, etc. Todo o que se move por aquí).

Entre todo o chulo que recomendan, a nós encántanos a Pandemia de contos, para disfrutalos grandes e pequenos:

Bibliotecas desas que levan moitos anos traballando pola lectura,  como a de Oleiros, que nos contan do Día do Libro e por que Kuala Lumpur é a Capiltal Mundial do libro:

 

A sempre querida Biblioteca Ánxel Casal que nos achega recomendacións dende a casa:

Audiolibros da Biblioteca Cervantes:

Banco de relatos sonoros, “Nosotros te leemos” da Rede de Bibliotecas de Lorca:

Da Biblioteca do Congreso, da BNC aos teus ouvidos, pódcasts con poemas, contos… para toda a familia:

E, por suposto, TODAS AS BIBLIOTECAS ESCOLARES GALEGAS que seguen CELEBRANDO A LECTURA!

"Vai de mar" e o Álbum Ilustrado no Mes do Libro

No Día do Libro Infantil e Xuvenil no que se conmemora o nacemento de Hans Cristian Andersen, inauguramos, na Casa de Cultura do Concello de Porto do Son, a exposición “VAI DE MAR e o Álbum Ilustrado”, que permanecerá aberta ao público ata o 21 de abril.

A mostra enmárcase nas actividades de promoción da lectura que, coordinadas polo  equipo de biblioteca do IES, se veñen desenvolvendo en colaboración cos centros de ensino do Concello e a Biblioteca Pública Municipal. Dende a entrada da nosa biblioteca no Plan de Mellora de Bibliotecas Escolares, este foi un dos nosos obxectivos, saír do centro ao entorno, dirixirnos e implicar neste labor á sociedade.

Se o abril pasado achegabamos á comunidade educativa o mundo do cómic, este ano pretendemos poñer en valor un xénero que nos apaixona, un xénero que trascende o ámbito do público infantil e xuvenil e que engaiola tamén aos adultos: o álbum ilustrado.

“VAI DE MAR”  é unha exposición que recolle os traballos de 17 ilustradores e ilustradores destacados do panorama galego, como Miguelanxo Prado, Irene Fra, Manuel Huía, Pepe Carreiro, Ánxeles Ferrer, Xosé Cobas… Artistas de recoñecemento internacional. GÁLIX, a Asociación Galega do Libro Infantil e Xuvenil cedeunos a mostra que estivo presente, por exemplo,  no III Congreso Ibérico de Literatura Infantil e Xuvenil e no Salón do Libro. É un acompañamento perfecto para os álbums que queremos compartir con vós.

O álbum ilustrado está a ser un dos xéneros destacados na literatura, pois une dous aspectos primordiais para o lector: a calidade do texto e a da ilustración. Presentámosvos publicacións e traducións ao galego e ao castelán de editoriais como OQO, Kalandraka, Edelvives, Bárbara Fiori,  El Jinete Azul… Os seus nomes son un referente na Literatura Infantil e Xuvenil, asociados a ilustradores galegos enriba citados e a outros nomes recoñecidos no ámbito internacional como Benjamin Lamcobe, Shaun Tan, Innocenti, Rebecca Drautremer ou Jimmy Liao. Pudeira parecer que os textos están destinados exclusivamente ao público infantil e xuvenil, mais este é un xénero que transcende o mundo da infancia e engaiola aos adultos. Como docentes, somos conscientes do valor que a calidade na ilustración ten na educación do gusto pola lectura.

Non menos relevantes, son os traballos dos alumnos que aquí podedes ver: ilustracións de contos, versións, recreacións, mesmo traducións acompañados sempre da imaxe creada polos rapaces e rapazas, de riqueza e variedade na técnica. Neste caso, todos os que mostramos pertencen ao alumnado do CEIP de Xuño.

 A mostra será visitada por unha boa parte do alumnado do concello. Para o seu aproveitamento elaborouse unha unidade didáctica que será empregada nas distintas sesións.

Aquí vos deixo o vídeo emitido por TV27 Barbanza:

http://27tv.es//components/com_contushdvideoshare/hdflvplayer/hdplayer.swf

Detrás destas iniciativas hai moitas horas de esforzo do profesorado,  horas non lectivas, non remuneradas, mesmo con frecuencia non recoñecidas. Iniciativas coma esta só poderán ser posibles se a sociedade e as autoridades valoran o traballo realizado.

Se hai un ámbito onde os recursos materiais e humanos non deberían diminuír é xustamente no ensino.

“Vai de mar” e o Álbum Ilustrado no Mes do Libro

No Día do Libro Infantil e Xuvenil no que se conmemora o nacemento de Hans Cristian Andersen, inauguramos, na Casa de Cultura do Concello de Porto do Son, a exposición “VAI DE MAR e o Álbum Ilustrado”, que permanecerá aberta ao público ata o 21 de abril.

A mostra enmárcase nas actividades de promoción da lectura que, coordinadas polo  equipo de biblioteca do IES, se veñen desenvolvendo en colaboración cos centros de ensino do Concello e a Biblioteca Pública Municipal. Dende a entrada da nosa biblioteca no Plan de Mellora de Bibliotecas Escolares, este foi un dos nosos obxectivos, saír do centro ao entorno, dirixirnos e implicar neste labor á sociedade.

Se o abril pasado achegabamos á comunidade educativa o mundo do cómic, este ano pretendemos poñer en valor un xénero que nos apaixona, un xénero que trascende o ámbito do público infantil e xuvenil e que engaiola tamén aos adultos: o álbum ilustrado.

“VAI DE MAR”  é unha exposición que recolle os traballos de 17 ilustradores e ilustradores destacados do panorama galego, como Miguelanxo Prado, Irene Fra, Manuel Huía, Pepe Carreiro, Ánxeles Ferrer, Xosé Cobas… Artistas de recoñecemento internacional. GÁLIX, a Asociación Galega do Libro Infantil e Xuvenil cedeunos a mostra que estivo presente, por exemplo,  no III Congreso Ibérico de Literatura Infantil e Xuvenil e no Salón do Libro. É un acompañamento perfecto para os álbums que queremos compartir con vós.

O álbum ilustrado está a ser un dos xéneros destacados na literatura, pois une dous aspectos primordiais para o lector: a calidade do texto e a da ilustración. Presentámosvos publicacións e traducións ao galego e ao castelán de editoriais como OQO, Kalandraka, Edelvives, Bárbara Fiori,  El Jinete Azul… Os seus nomes son un referente na Literatura Infantil e Xuvenil, asociados a ilustradores galegos enriba citados e a outros nomes recoñecidos no ámbito internacional como Benjamin Lamcobe, Shaun Tan, Innocenti, Rebecca Drautremer ou Jimmy Liao. Pudeira parecer que os textos están destinados exclusivamente ao público infantil e xuvenil, mais este é un xénero que transcende o mundo da infancia e engaiola aos adultos. Como docentes, somos conscientes do valor que a calidade na ilustración ten na educación do gusto pola lectura.

Non menos relevantes, son os traballos dos alumnos que aquí podedes ver: ilustracións de contos, versións, recreacións, mesmo traducións acompañados sempre da imaxe creada polos rapaces e rapazas, de riqueza e variedade na técnica. Neste caso, todos os que mostramos pertencen ao alumnado do CEIP de Xuño.

 A mostra será visitada por unha boa parte do alumnado do concello. Para o seu aproveitamento elaborouse unha unidade didáctica que será empregada nas distintas sesións.

Aquí vos deixo o vídeo emitido por TV27 Barbanza:

http://27tv.es//components/com_contushdvideoshare/hdflvplayer/hdplayer.swf

Detrás destas iniciativas hai moitas horas de esforzo do profesorado,  horas non lectivas, non remuneradas, mesmo con frecuencia non recoñecidas. Iniciativas coma esta só poderán ser posibles se a sociedade e as autoridades valoran o traballo realizado.

Se hai un ámbito onde os recursos materiais e humanos non deberían diminuír é xustamente no ensino.

Charlando e entrevistando a Francisco Castro

Xa falamos da charla que Francisco Castro  deu no noso centro aos alumnos e alumnas de 1º de ESO sobre a súa obra Chamádeme Simbad, no marco das actividades que vimos realizando en torno ao mar.  Daquela ficáramos moi satisfeitos. Os rapaces participaron activamente e disfrutaron do encontro co autor e nós, os profes, asistimos con agrado ao que foi un discurso ameno -mesmo divertido-, cercano, receptivo e xeneroso. Había detrás o bo facer dun mestre, dun home adicado á creación literaria e á promoción da lectura a través da entrega cotiá que supoñen compromisos como a presidencia de GALIX, a Asociación Galega do Libro Infantil e Xuvenil. Ese día todos fomos  Simbad e Alicia no País das Marabillas e  pasamos a vivir nese “disparate da fantasía” que felizmente  atopamos nos libros.

Dende o equipo de biblioteca temos o pracer de facervos chegar a montaxe en vídeo realizada polo noso compañeiro David Pérez e Soncine a partir do traballo de gravación da alumna Iris Pérez e da entrevista de  Antía Piñeiro e Rebeca Corrales. Xa quixeran moitos xornalistas de oficio atinar deste xeito no preguntado!

Francisco Castro no IES de Porto do Son from SonCine on Vimeo.