Para despedir o trimestre reunimos aos dous clubs de lectura, Lerpeir@s e Furalibros (cambiamos de nome!) para compartir neste caso, o visionado dunha película para despois comentala. Para tal ocasión, eliximos Captain Fantastic, do director Matt Ross e protagonizada por Viggo Mortensen. Podemos afirmar con rotundidade que nesta historia todos nos rimos e nos emocionamos, e aprendemos a ver a educación doutro xeito, lonxe de convencionalismos. Ningún de nos se puido imaxinar levar un estilo de vida como a representada na película, unha vida sostible, lonxe da tecnoloxía e en harmonía coa Natureza. Ligamos este amor pola natureza cos libros que lemos os dous clubs: La chica alce de Malin Klingenberg e algún dos cómics de Leo. Voltaremos despois das vacacións de Nadal cun pouco de teatro.
Desde os clubs de lectura do IES de Porto do Son, felices festas e que o vindeiro ano veña cargadiño de felicidade e boas lecturas.
idades: A evolución de Calpurnia Tate de Jacqueline Kelly. A sesión ficou curta para todo canto a obra dá para comentar: Darwin, o pracer de descubrir o mundo que nos rodea, o interese pola ciencia e a lectura, as enriquecedoras relacións cos avós, o papel da muller na sociedade de finais do século XIX e na actualidade… Humor, curiosidade… Deunos bos momentos.
etikeles.wordpress.com 