Serafín Marcos, Antonio Fraguas… Quen ten un mestre etnófrafo?

Un ano máis, Serafín Marcos é quen de levarnos a universo do autor homenaxeado nas Letras. Fai do espectáculo aprendizaxe e lecer. Unha boa receita para enganchar ao alumando. Con el soubemos do neno de aldea, do neno de Insuela, que ía para maquinista no Brasil e acabou sendo mestre etnógrafo, dinamizador cultural, investigador, membro da Real Academia Galega…

II Foliada das Letras e “Unha historia de amor” con Serafín Marcos

O venres continuamos coas actividades de celebración das Letras. Xa que temos bos músicos (coa pandeireta de Rosi incluída) e bos bailaríns, que mellor motivo que as nosas Letras e a nosa fala para unha festa! E velaí a II Foliada das Letras!

Pola semana a profe Eva e un grupo de mozos e mozas ensináronnos, con moita paciencia, a sacar uns puntiños para poder bailar! Poderiamos “disir”… “Eu bailar, bailar, bailei, a ghasia non era moita…! Pero tanto ten, non? Xa había quen se daba maña e a cousa “lusiu”..!

E pechando a mañá Serafín Marcos, xa da casa por estas datas, tróuxonos “Unha historia de amor”, a de María Victoria  Moreno con Galicia, co galego e coa literatura. Os mozos e mozas de 2º de ESO pasaron do abraio á gargallada, do sorriso á mirada reflexiva… Fica aí, un ano máis, ese pouso que Serafín vai sementando.

Serafín Marcos tráenos "As paisaxes de Carlos Casares"

Esta mañá Serafín Marcos volveu ao noso centro para conmemorar as Letras! Con el camiñamos polas “paisaxes de Carlos Casares” e con el fixemos paradas na viaxe: a galiña azul,  o tren, a formiga esquiadora, o río, a Virxe María que mata a Lucifer, a nena trapecista, un muro branco, unha moza en pantalón curto de falares estranxeiros, a creación, o compromiso… O alumnado de 3º de ESO rematou a mañá cun sorriso e un fardel cheo de palabras!!!

dig
dig

dig

Serafín Marcos tráenos “As paisaxes de Carlos Casares”

Esta mañá Serafín Marcos volveu ao noso centro para conmemorar as Letras! Con el camiñamos polas “paisaxes de Carlos Casares” e con el fixemos paradas na viaxe: a galiña azul,  o tren, a formiga esquiadora, o río, a Virxe María que mata a Lucifer, a nena trapecista, un muro branco, unha moza en pantalón curto de falares estranxeiros, a creación, o compromiso… O alumnado de 3º de ESO rematou a mañá cun sorriso e un fardel cheo de palabras!!!

dig
dig
dig
dig

dig

Serafín Marcos pregunta: Que Manuel María?

sera1

sera

Como fixera en anos anteriores, Serafín Marcos achegounos ao escritor homenaxeado nas nosas letras no 2016. Agradecemos á nosa compañeira Mariola a reseña sobre a actividade:

cartel serafin“Para conmemorar o Día das Letras Galegas o mércores 18 de maio recibimos no noso instituto a Serafín Marcos  co seu espectáculo  Que Manuel María? 

Unha vez máis, desde a súa mirada lúdica, conseguiu atraer a todo o alumnado de 3º de ESO amosándolle por medio de adiviñas, poemas e xogos a vida e a obra do poeta. E sobre todo logrou, a través dunha viaxe por diversos continentes e distintos poemas, facer que todos se sentiran orgullosos de seren galegos. Repetindo as verbas de Manuel María :

 

 Galicia somos nós:
a xente e mais a fala.
Si buscas a Galicia
en ti tes que atopala!”

sera3

No Mes de Manuel María

Andamos xa nos mes das Letras e as actividades arredor de Manuel María van enchendo as nosas aulas: lecturas, creación… Soubemos del pola rede e tamén pola exposición:

Manuel María exposición 2

Manuel María exposición

 

O venres  13o alumnado de 3º de ESO asistirá á charla de Concha Blanco Manuel María, profesional da palabra pero sen soldada.

E o 18 de maio:

cartel serafin

Con motivo das Letras Galegas o grupo de teatro de IES de Porto do Son vai presentar o próximo 19 de marzo na Casa de Cultura de Porto do Son a obra de Manuel María Farsa de Bululú . A esta primeira función asistirán, ademais dos rapaces e rapazas de 2º de ESO do noso centro, alumnado de 1º e 2º de ESO do IES Leliadoura de Ribeira. É de agradecer o cartel anunciador de Fernando, o noso compañeiro do Departamento de Plástica!

//e.issuu.com/embed.html#1399044/35508359

Botar a Lingua, ensinar a Lingua no Día das Letras Galegas con Serafín Marcos, Tropa de Trapo e as Cunqueiradas

“Quen vai falar a miña lingua se non a falo eu?”.

Estas foron das primeiras palabras que Seranfín Marcos nos ofreceu na actuación á que asistiu o alumnado de 1º de ESO  con outros centros do concello na Casa da Cultura. Fiando metáforas visuais e sons da guitarra, celebramos con el o Día das Letras Galegas. Mesmo nos silencios aprendemos a escoitar os versos e as palabras de Agustín Agra, Uxío Novoneyra, Lois Pereiro… Agasallounos con poemas tan fermosos como “O piano” de Antón Avilés de Cantos Caucanos.

P1030474

Ao rematar, rapaces e rapazas premiados no Concurso do Día das Letras Galegas recibiron os agasallos polos seus textos literarios. Do instituto foron galardoados os relatos das alumnas Anahí González Mayán de 1º de ESO e Sheila Ares e María Santiago de 4º de ESO. Parabéns!!!

P1030485

P1030486

 

Ao rematar a mañá,  Tropa de Trapo veu da man da área de Servizos Socias do Concello. Con voces amainadas e sons plurais, como teñen feito noutras ocasións, Brais e Marta contaron para o alumnado de 2º de ESO. Contar para facer pensar.

DSC09554

Ao mesmo tempo, os mozos e mozas de 4º de ESO A, contaban “Cunqueiradas” na Sala Perseveira. A cadea dos contos contados, das nosas voces de noso enchendo a xornada!

P1030495

 

Xosé María Díaz Castro con Serafín Marcos

A nosa compañeira Juana Poza achéganos a reseña que recolle a visita de Serafín Marcos ao noso centro con motivo da celebración do Día das Letras:

“Serafín Marcos comezou dando renda solta á enerxía do alumnado animándoos a berrar e facer fotos co móbil de maneira compulsiva, para logo ir falándolles de distintos temas, en principio non relacionados entre si: as profesións, a luz, o universo, a natureza, as linguas, a guerra… intercalando, ao tempo,  poemas. Ao remate da sesión explicounos que o nexo entre todo o tratado anteriormente non era outro que a vida e o pensamento de Xosé María Díaz Castro, que aparece reflectida nos seus poemas.

Esta actividade foi moi participativa, con intervencións do máis sorprendentes para os rapaces, como deixarse cortar o pelo por un alumno enriba do escenario para poder conseguir un “look” parecido ao do poeta homenaxeado. Foi, dende logo, innovador, didáctico e divertido”.

SerafínSerafín 1

O vídeo:

Serafín Marcos / X.M. Díaz Castro from SonCine on Vimeo.

Arredor de Vidal Bolaño: Serafín Marcos, “Unha vida de teatro”

O 2 de maio comezamos o Mes das Letras. A nosa compañeira do equipo achéganos a reseña do primeiro acto co que abrimos un mes que vén cheíño de actividades culturais no noso centro:

    “Seguindo coa nosa teima de promover as actuacións culturais, invitamos ao noso instituto a Serafín Marcos que, co seu peculiar estilo, achegou o alumnado de 1º de ESO á figura de Roberto Vidal Bolaño. Para iso adoptou a personalidade deste e foi facendo un percorrido pola súa vida, os seus gustos e afeccións, o seu amor pola lingua galega e por Santiago de Compostela e tamén , como non, polo teatro.

     Tiveron a ocasión de participar activamente, xa que de vez en cando reclamaba a  súa axuda  e así, algúns subían ao escenario para

P1080210

ser perruqueiros ou maquilladores, outros axudaban coa cámara na rodaxe dunha escena e acabaron poñendo un nariz de pallaso para sacar unha foto con el.

     Pasamos un momento divertido e ao mesmo tempo aprendemos e reflexionamos sobre a figura de RVB.”

Arredor de Vidal Bolaño: Serafín Marcos, "Unha vida de teatro"

O 2 de maio comezamos o Mes das Letras. A nosa compañeira do equipo achéganos a reseña do primeiro acto co que a

brimos un mes que vén cheíño de actividades culturais no noso centro:

    “Seguindo coa nosa teima de promover as actuacións culturais, invitamos ao noso instituto a Serafín Marcos que, co seu peculiar estilo, achegou o alumnado de 1º de ESO á figura de Roberto Vidal Bolaño. Para iso adoptou a personalidade deste e foi facendo un percorrido pola súa vida, os seus gustos e afeccións, o seu amor pola lingua galega e por Santiago de Compostela e tamén , como non, polo teatro.

     Tiveron a ocasión de participar activamente, xa que de vez en cando reclamaba a  súa axuda  e así, algúns subían ao escenario para ser perruqueiros ou maquilladores, outros axudaban coa cámara na rodaxe dunha escena e acabaron poñendo un nariz de pallaso para sacar unha foto con el.

 

 

     Pasamos un momento divertido e ao mesmo tempo aprendemos e reflexionamos sobre a figura de RVB.”