A ruta literaria desta tempada do club de lectura Fraga de Novio levounos lonxe, seguindo os pasos de Jane Austen e a súa novela Persuasión.
Coñecemos de primeira man a cidade de Bath, preciosa cidade de rocha amarela onde transcurre parte da novela. A maior parte dos edificios conservan o estado que tiñan a principios do século XIX, polo que foi fácil transportarse á época da rexencia, cando a escritora escribiu a que sería a súa última novela. A visita ao centro Jane Austen foi parada obrigatoria.
E seguindo os escenarios da novela, paseamos por Lyme regis, pequena vila costeira do sur de Inglaterra coñecida tamén por ser o lugar de orixe da famosa buscadora de fósiles Mary Anning.
Non hai como viaxar para desfrutar máis da lectura. Quedamos pensando na ruta do vindeiro curso!
etikeles.wordpress.com 